Ezekiel 5:15 - An Bibel Kernewek 20234 (Kernewek Kemmyn)

¹⁵ Ty a vydh skorn, ha tont, ha bysna hag euth dhe'n kenedhlow a-dro dhis, pan wrav breusow er dha bynn yn sorr hag yn konnar hag yn keredhyow konneryek. My, an Arloedh, re gewsis.

Ezekiel 5:15 ပူးပေါင်းရင်းမြစ်များ

Ezekiel 25:17

My a dal warnedha dial bras gans kessydhyans konneryek. Ena i a woer my dhe vos an Arloedh, pan dalav ow dial warnedha.

1 Korinthianys 10:11

Lemmyn an traow ma a hwarva yn ensampel dhedha i, mes skrifys vons rag agan keski ni, may teuva keweras an oesow warnan.

Ysay 26:9

Ow enev a yeun war dha lergh y'n nos; ow spyrys ynnov a'th hwila. Rag pan vydh dha vreusow y'n wlas, annedhysi an bys a dhysk ewnder.

1 Myghternedh 9:7

ena my a dregh Ysrael dhiworth an tir re res vy dhedha; ha my a dewl yn-mes a'm golok an chi re sakris rag ow hanow; hag Ysrael a vydh henlavar ha parabolenn yn mysk poblow oll.

Nahum 1:2

An Arloedh yw Duw neb a berth avi, hag a gemmer dial; dialor yw an Arloedh ha meur y sorr; an Arloedh a gemmer dial war y eskerens, hag ev a with y sorr erbynn y envi.

Salmow 79:4

Ni re dheuth ha bos mewl dh'agan kentrevogyon, skorn ha ges dhe'n re usi yn agan kyrghynn.

Dewteronomi 28:46

I a vydh warnas avel tokyn ha marth, ha war dha has bys vykken.

Salmow 39:11

‘Pan geredhydh den, ow kessydhya kammweyth, ty a wra dh'y dekter teudhi dhe-ves kepar dell wra an goedhan; yn hwir, anall yw pub den. Sela.

Ysay 43:28

Ytho my a dhisakras pennsevigyon an sentri, my a ros Yakob dhe gowldhistruyans, hag Ysrael dhe dhespit.

Yeremia 23:40

Ha my a dhre warnowgh despit bynitha ha meth bynitha, na vydh ankevys.

Ezekiel 5:8

rakhenna yndellma y lever an Arloedh Duw: Mir, my ow honan, yth esov er dha bynn, ha my a wra breusow a-berth ynnos a-wel dhe'n kenedhlow.

Ezekiel 5:16

Pan dhannvonav an tebel sethow a dhivoetter er agas pynn rag distruyans, my a's tannvon dh'agas distrui. My a ynkress divoetter warnowgh ha terri agas lorgh bara.

Ezekiel 14:8

My a sett ow fas erbynn an gour ma ha'y wul ensampel ha henlavarow, ha my a'n tregh yn-mes a'm pobel. Ena hwi a woer my dhe vos an Arloedh.

Ezekiel 16:57

kyns bos dha sherewynsi diskudhys? Lemmyn ty yw testenn a skorn dhe vyrghes Aram, hag oll hy hentrevogyon, dhe vyrghes an Filistysi – myns eus oll a-dro dhis.

Ezekiel 22:4

Ty yw kablus drefenn an goes a skoellsys, ha ty re omdhefolsys der an idolys a wrussys. Ty re dhros dha dhydh nes, ha dos dhe dhiwedh dha vlydhynyow. Rakhenna my re'th wrug skorn dhe'n kenedhlow, ha ges dhe oll an powyow.

Ezekiel 23:32

Yndellma y lever an Arloedh Duw: Ty a yv hanaf dha hwoer, down ha ledan; y fydh dhis rag hwarth ha ges: yma lies synsys ynno.

Ezekiel 30:19

My a wra breusow yn Ejyp, hag i a woer my dhe vos an Arloedh.

Levitikus 26:32

Ha my a wra an tir dibobel, ha'gas eskerens usi trigys ynno a vydh sowdhenys.

Dewteronomi 28:37

Ty a vydh an acheson a euth, ha parabolenn, ha ges yn oll an poblow may hwra an Arloedh dha ledya bys di.

2 Kroniklys 29:8

Yndella konnar an Arloedh a dheuth war Yuda ha war Yerusalem, hag ev a's gwrug tra a euth, a skruth, hag a hwiban, dell welowgh gans agas dewlagas agas honan.

Yeremia 29:18

Ha my a's helgh gans an kledha, gans an divoetter, ha gans an pla, ha'ga gorra dhe vos euth dhe oll gwlaskordhow an nor, dhe vos molleth ha skruth ha hwibana, ha keredh yn mysk oll an kenedhlow le ma's fesis,

Kynvannow 2:15

Oll an dremenysi a dak aga diwla orthis; i a hwiban ha shakya aga fenn orth myrgh Yerusalem; ‘Yw homma an sita a veu henwys perfydh yn tekter, ha lowena oll an nor?’

Kynvannow 2:16

Oll dha eskerens a iger aga ganow er dha bynn; i a hwiban ha deskerni aga dyns, ha kria: ‘Ni re's kollonkas! Hemm yw devri an jydh mayth en ni hwansek dhodho. Wor'tiwedh ni re'n kavas! ni re'n gwelas!’

Ezekiel 11:9

My a'gas dre yn-mes anedhi, ha'gas ri yn leuv estrenyon ha gul breusow warnowgh.

Ezekiel 16:41

I a lesk dha jiow gans tan, ha gul breusow er dha bynn a-wel dhe lies benyn. My a worr diwedh dhe'th fornikasyon, hag ynwedh ny redh gober arta.