Ezekiel 5:14 - An Bibel Kernewek 20234 (Kernewek Kemmyn)

¹⁴ Ha my a'th wrav dhe vos tyller a vagoryow ha skorn yn mysk an kenedhlow usi a-dro dhis, yn golok oll an dremenysi

Ezekiel 5:14 ပူးပေါင်းရင်းမြစ်များ

Ezekiel 22:4

Ty yw kablus drefenn an goes a skoellsys, ha ty re omdhefolsys der an idolys a wrussys. Ty re dhros dha dhydh nes, ha dos dhe dhiwedh dha vlydhynyow. Rakhenna my re'th wrug skorn dhe'n kenedhlow, ha ges dhe oll an powyow.

Nehemia 2:17

Ena my a leveris dhedha, ‘Hwi a wel an ahwer eson ni ynno, fatell yw Yerusalem difeyth, ha'y yetow leskys gans tan. Dewgh, ha drehevyn ni fos Yerusalem, ma na vydhyn synsys yn disenor namoy.’

Mika 3:12

Rakhenna, a-barth dhywgh hwi, Sion a vydh erys par ha gwel; Yerusalem a dheu ha bos bern a vagoryow, Arloedh ha menydh an chi a vydh drumm gwydhyel.

Kynvannow 5:18

rag menydh Sion, hag yw ynyal; owrgeun a gerdh warnodho.

Kynvannow 1:8

Yerusalem re beghas dres eghenn, ha rakhenna res eth ha bos avlan; pubonan neb a's gordhya a's dispres, rag i re welas hy noethedh; kyni ynwedh a wra hi, ha treylya dhe-ves.

Kynvannow 1:4

Yma fordhow Sion ow kyni, rag ny dheu denvyth dhe'n goelyow; oll hy yetys yw forsakys, hy oferysi a hanas; grevys yw hy gwyrghesow, hag yma dhedhi hwerowder.

Yeremia 42:18

‘Rag yndellma y lever Arloedh an luyow, Duw Ysrael: Par dell veu diverys ow sorr hag ow honnar war annedhysi Yerusalem, yndellma ow honnar a vydh diverys warnowgh pan ewgh dhe Ejyp. Hwi a vydh molleth, hag euth, ha milliga ha keredh. Ny welowgh an tyller ma namoy.

Yeremia 19:8

Ha my a wra an sita ma euth, ha hwibana; pubonan a's tremen a'n jeves marth ha gul ges drefenn oll hy flaow.

Dewteronomi 28:37

Ty a vydh an acheson a euth, ha parabolenn, ha ges yn oll an poblow may hwra an Arloedh dha ledya bys di.

Yeremia 23:40

Ha my a dhre warnowgh despit bynitha ha meth bynitha, na vydh ankevys.

Ezekiel 6:6

Yn oll agas annedhow an sitys a vydh difeythys; agas tylleryow ughel a vydh distruys, may fydh agas idolys terrys ha diswrys, agas alteryow ynkys treghys dhe'n dor, ha'gas oberow defendys dhe-ves.

Ezekiel 12:20

An trevow annedhys a vydh ynyal ha'n tir a vydh gwastyes; ha hwi a woer my dhe vos an Arloedh.

Ezekiel 16:57

kyns bos dha sherewynsi diskudhys? Lemmyn ty yw testenn a skorn dhe vyrghes Aram, hag oll hy hentrevogyon, dhe vyrghes an Filistysi – myns eus oll a-dro dhis.

Ezekiel 23:32

Yndellma y lever an Arloedh Duw: Ty a yv hanaf dha hwoer, down ha ledan; y fydh dhis rag hwarth ha ges: yma lies synsys ynno.

Ezekiel 33:28

My a wra an tir ynyalder ha difeythtir, hag y fydh diwedh dh'y nerth goethus; menydhyow Ysrael a vydh ynyal heb tremenyas.

Daniel 9:16

A Arloedh, herwydh oll dha weythyow gwiryon, re bo treylys, my a'th pys, dha sorr ha'th konnar dhiworth dha sita Yerusalem, dha venydh sans; rag a-barth agan peghosow, hag a-barth kammweyth agan tasow, Yerusalem ha'th pobel re dheuth bismer dh'agan kentrevogyon.

Ezekiel 36:34

An tir ynyal a vydh gonedhys, yn le bos ynyal yn golok kemmys a dremen dresto.