Ezekiel 5:11 - An Bibel Kernewek 20234 (Kernewek Kemmyn)

¹¹ Rakhenna, dell vewav, yn-medh an Arloedh Duw, drefenn ty dhe dhefola ow sentri gans oll dha daklow vil ha gans oll dha daklow kasadow, ytho my a'th tivarv; ow lagas ny gemmer pita, hag ynwedh ny gemmerav truedh.

Ezekiel 5:11 ပူးပေါင်းရင်းမြစ်များ

2 Myghternedh 21:4

Ev a dhrehevis alteryow yn chi an Arloedh, may lavarsa an Arloedh anedha, ‘Yn Yerusalem y hworrav ow hanow.’

2 Myghternedh 21:7

Ev a settyas an imaj gravys a Ashera re wrussa y'n chi may leveris an Arloedh anodho dhe Davydh ha dh'y vab Solomon, ‘Y'n chi ma hag yn Yerusalem, re dhewisis mes a oll kordhow Ysrael, my a worr ow hanow bys vykken.

2 Myghternedh 23:12

An myghtern a dorras dhe'n dor an alteryow war an to ryb chambour gwarthav Ahaz gwrys gans myghternedh Yuda, ha'n alteryow gwrys gans Manasse yn dew glos chi an Arloedh; ev a's tennas dhe'n leur ha'ga brewi dhe dhoust ha tewlel aga doust yn nans Kidron.

2 Kroniklys 33:4

Ev a dhrehevis alteryow yn chi an Arloedh, may lavarsa an Arloedh anodho, ‘Yn Yerusalem ow hanow a vydh bys vykken.’

2 Kroniklys 33:7

Ev a worras an imaj gravys re wrussa yn chi Duw, anodho may leveris Duw dhe Davydh ha dh'y vab Solomon, ‘Y'n chi ma, hag yn Yerusalem re dhewisis yn-mes a oll kordhow Ysrael, y hworrav ow hanow bys vykken.

2 Kroniklys 36:14

Ynwedh oll an pennoferysi ha'n bobel o fest dislel, owth holya oll taklow kasadow an kenedhlow; hag i a dhefolas chi an Arloedh re wrussa y sakra yn Yerusalem.

Job 27:22

ha hurlya er y bynn heb truedh; hag ev a fi dhe'n fo dhiworth y nerth.

Salmow 107:39

Mes pan yns i lehes ha plegys dhe'n dor der arwask, anken ha galar,

Salmow 95:11

Rakhenna my a wrug ti y'm sorr, na wrellens entra y'm powesva.

Yeremia 10:24

A Arloedh, gwra ow heredhi, mes gans breus; Na'n gwra yn dha sorr, ma na'm drylli dhe dravyth.

Yeremia 16:18

Hag yn kynsa my a attal rag aga hammhynseth ha'ga fegh yn tewblek; drefenn i dhe dhefola ow thir gans korfow aga idolys, ha lenwel ow eretons gans aga thaklow kasadow.

Yeremia 32:34

Mes i a sett aga thaklow kasadow y'n chi yw henwys gans ow hanow vy dh'y dhefola.

Yeremia 44:4

Mes my a dhannvonas dhywgh oll ow servysi an brofoesi, orth aga dannvon arta hag arta, ow leverel, ‘My a'gas pys ma na wrellowgh an dra euthyk ma hag yw kasadewder dhymm.’

Kynvannow 2:17

An Arloedh re wrug y vynnas, ev re gowlwrug y lavar; kepar dell ordenas seuladhydh; ev re dorras heb truedh; ev a wrug dhe'n eskerens lowenhe warnas, ev re dhrehevis korn dha eskerens.

Kynvannow 2:21

Yma tus yowynk ha tus koth a'ga growedh y'n stretys; ow morenyon ha'm gwer yowynk re goedhas der an kledha; tyb re's ladhas yn dydh dha sorr; ty re ladhas heb truedh.

Ezekiel 11:18

I a dheu di ha remova oll hy thaklow vil ha'y thaklow kasadow dhiworti.

Ezekiel 11:21

Mes an re may kerdh aga holonn war-lergh aga thaklow vil ha'ga thaklow kasadow, my a dhre aga fordh war aga fenn, yn-medh an Arloedh Duw.

Ezekiel 23:28

Rag yndellma y lever an Arloedh Duw: Awottavy orth dha ri yn leuv an re a gesydh, yn leuv an re may treylyas dha enev divlasys dhiworta.

Ezekiel 23:38

I re wrug hemma dhymmo vy ynwedh: i re dhefolas ow sentri ha disakra ow sabotys.

Ezekiel 23:39

Wosa ladha aga mebyon rag aga idolys, i a dho an keth jydh na a-berth y'm sentri dh'y dhisakra. Yndella y hwre yn kres ow chi.

Ezekiel 24:14

My an Arloedh re gewsis. An termyn re dheuth, ha my a'n gwrav. Ny vydhav owth omwitha, na sparya, na diserri. War-lergh dha fordhow ha'th wriansow my a'th vreus, yn-medh an Arloedh Duw.

Ezekiel 29:15

Hi a vydh isella a'n ruvanethow, ha ny omughelha arta a-ugh an kenedhlow. My a's tanowha ma na rewllyons an kenedhlow arta.

Ezekiel 33:11

Lavar dhedha, Dell vewav, yn-medh an Arloedh Duw, nyns eus dhymm plesour yn mernans an tebelwas, mes may treyllyo tebelwas dhiworth y fordh ha bewa. Treylyewgh! Treylyewgh dhiworth agas drog fordhow; prag y ferwowgh, chi Ysrael?

Ezekiel 43:8

Pan worrsons aga threudhow ryb ow threudhow vy, ha'ga fostow-daras ryb ow fostow-daras vy, gans travyth marnas paros yntra my hag i, i a dhefolas ow hanow sans gans an taklow kasadow a wrussons; ytho my re's konsumyas y'm sorr.

Ezekiel 44:7

ow tri y'n sentri estrenyon, antrodreghys aga holonn, hag antrodreghys aga hig, ow tefola ow chi, owth offrynna dhymm ow boes, an blonek ha'n goes. Hwi re dorras ow hevambos, yn oll agas taklow kasadow.

Ezekiel 5:7

Rakhenna yndellma y lever an Arloedh Duw: Drefenn bos agas balghder brassa ages an kenedhlow usi a-dro dhis, ha ny gerdhsowgh y'm ordenansow ha ny wrussowgh ow breusow, ha ny wrussowgh hwath war-lergh breusow an kenedhlow usi a-dro dhywgh;

Ezekiel 7:20

Goeth a's tevo yn tekter aga thegennow ha gansa i a wrug aga imajys kasadow, aga thaklow kasadow; rakhenna my a's gwra mostedhes ragdha.

Ezekiel 7:4

Ny gemmer ow lagas pita ahanas, ha ny'th sparyav, rag my a attal dhis drefenn dha fordhow, ha'th taklow kasadow a-berth ynnos. Ena hwi a woer my dhe vos an Arloedh.

Ezekiel 7:9

Ny gemmer ow lagas pita ahanas, na ny'th sparyav; my a attal dhis war-lergh dha fordhow, ha'th taklow kasadow usi a-berth ynnos. Ena hwi a woer my dhe vos an Arloedh, usi ow kweskel.

Ezekiel 8:15

Ena yn-medh ev dhymm, ‘A welydh hemma, mab den? Ty a wel taklow vil hwath brassa es an re ma.’

Ezekiel 8:16

Ena ev a'm dros dhe'n klos a-bervedh a ji an Arloedh; hag otta, orth daras tempel an Arloedh, ynter an yet ha'n alter, yth esa a-dro dhe bymp gour warn ugens, gans aga heynow troha tempel an Arloedh ha'ga fasow troha'n est, owth omblegya dhe'n howl y'n est.

Ezekiel 8:18

Ytho my a ober yn sorr; ny gemmer ow lagas truedh na ny's sparyav. Kyn krions y'm diwskovarn gans lev ughel ny woslowav orta.’

Ezekiel 9:10

Ytho ow lagas ny gemmer truedh, ha ny gemmerav piteth, mes my a dhre aga fordh war aga fenn.’

Ezekiel 9:5

Dhe'n re erell y leveris, ha my ow klewes, ‘Tremenewgh dre'n sita war y lergh ha gweskewgh; na wres agas lagas kemmeres truedh, ha na gemmerewgh piteth.

Levitikus 15:31

Yndella hwi a dhiberth mebyon Ysrael dhiworth aga avlander, ma na varwons yn aga avlander drefenn defola ow thabernakel usi yn aga mysk.

Amos 8:7

An Arloedh re dos re woeth Yakob: Yn sur, nevra ny ankovav travyth a'ga gweythresow!

Zekaria 11:6

Ytho ny gemmerav vy truedh namoy a'n re trigys y'n tir, yn-medh an Arloedh. Otta, yth esov ow ri pubonan yn leuv y gentrevek hag yn leuv y vyghtern. I a wra brewi an tir, ha ny wrav vy aga sawya dhiworth aga leuv.

Malaki 3:17

I a vydh dhymmo vy, yn-medh Arloedh an luyow, ow thresor arbennik y'n jydh may hwrav vy oberi. My a gemmer truedh anedha par dell gemmer den truedh a'y vab neb a'n serv.

Romanyon 11:12

Mes mars yw aga threuspass rychys rag an bys, ha mars yw aga difyk devedhys ha bos rychys rag an kenedhlow, kemmys moy aga leunder!

Romanyon 11:21

Rag mar ny sparyas Duw an skorrennow naturel, ny'th spar tejy.

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

Dewteronomi 29:20

an Arloedh ny vynn gava dhodho; ena sorr an Arloedh ha'y avi a dhyllo mog erbynn an gour na, hag oll an volleth yw skrifys y'n lyver ma a wrowedh warnodho, ha'n Arloedh a dhefend y hanow a-dhann nev.

Ebrowyon 6:13

Rag pan wrug Duw ambosa dhe Abraham, a-ban na'n jevo denvyth brassa dredho may hylli ti, ev a dos dredho y honan,