Ezekiel 5:10 - An Bibel Kernewek 20234 (Kernewek Kemmyn)

¹⁰ Rakhenna tasow a dheber mebyon a-berth ynnos, ha mebyon a dheber aga thasow; ha my a wra breusow ynnos, ha skattra oll an remenant ahanas dhe oll an gwynsow.

Ezekiel 5:10 ပူးပေါင်းရင်းမြစ်များ

2 Myghternedh 6:29

Ytho ni a vrojyas ow mab ha'y dhybri. Ternos my a leveris dhedhi, “Roy dha vab may hyllyn y dhybri.” Mes hi re gudhsa hy mab.’

Nehemia 1:8

Porth kov, my a'th pys, a'n ger a erghsys dhe'th was Moyses, ow leverel, “Mar pydhowgh dislel, my a'gas skatter a-les yn mysk an kenedhlow;

Salmow 44:11

Ty re'gan ros avel deves dhe vos dybrys, ha re'gan skattras yn mysk an kenedhlow.

Ysay 49:26

My a wra dhe'th waskoryon dybri aga hig aga honan, ha gans aga goes aga honan y fydhons medhow, par dell ve gans gwin. Ena pub kig oll a wodhvydh my dhe vos an Arloedh, dha Selwador ha'th Tasprenyas, an Galloesek a Yakob.

Ysay 9:20

A-dhyghow den a dhevor ha hwath nownek vydh; a-gledh den a dheber ha ny vydh gwalghys. Pubonan a dheber kig y gentrevek.

Yeremia 13:14

Ha my a's tewl an eyl erbynn y gila, hwath an tasow ha'n vebyon war-barth, yn-medh an Arloedh: ny sparyav, na kemmeres piteth, na truedh, mes aga distrui.

Yeremia 19:9

Ha my a wra dhedha dybri kig aga mebyon ha kig aga myrghes, hag i a dheber pub huni kig y gentrevek y'n esedhva, hag y'n ahwer may hwra aga eskerens ha'n re a hwila aga bewnans aga grevya.

Yeremia 44:12

My a gemmer remenant Yuda, re settyas aga fas dhe dhos ha triga yn pow Ejyp, hag i oll a vydh diswrys, ha koedha yn pow Ejyp; i a vydh diswrys gans an kledha ha gans an divoetter, a'n lyha dhe'n meurra; i a verow gans an kledha ha gans an divoetter; hag i a vydh molleth, hag euth, ha milliga ha keredh.

Yeremia 49:32

Aga hawrvergh a vydh preydh, aga greow a warthek pyllans. My a skatter dhe bub gwyns an re a's teves talyow moel, ha my a dhre terroes er aga fynn a bub tu, yn-medh an Arloedh.

Yeremia 49:36

ha my a dhre war Elam an peswar gwyns a beswar korn nev; ha my a's skatter dhe oll an gwynsow ma, ha ny vydh kenedhel vyth dhedhi ma na dheu dhodho fowesigyon Elam.

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Yeremia 9:16

My a wra aga skattra yn mysk an kenedhlow, na aswonnis naneyl i na'ga thasow: ha my a wra dannvon kledha war aga lergh bys pan y's diswrav yn tien.

Kynvannow 2:20

Gwel, A Arloedh, ha mir. Piw a dhyghtsys yndella? A wra gwragedh dybri aga askorr, fleghes wynn heb namm? A ledhir oferyas ha profoes yn sentri an Arloedh?

Kynvannow 4:10

Diwla benynes truedhek re vrojyas aga fleghes aga honan, gyllys yns i yn boes dhedha yn terroes myrgh ow fobel.

Kynvannow 4:16

Fas an Arloedh re wrug aga skattra, ny vir orta namoy, ny enorsons fasow oferysi, ny faversons henavogyon.

Kynvannow 4:3

Ynwedh owrgeun a ri aga bronn ha gasa aga helyn dhe sugna, mes myrgh ow fobel yw gyllys fell kepar ha strusyow y'n difeythtir.

Ezekiel 12:14

Ha my a skatter dhe bub gwyns oll an re usi a-dro dhodho, y weresoryon, hag oll y soudoryon, ha tenna kledha war aga lergh.

Ezekiel 12:15

Hag i a woer my dhe vos an Arloedh pan wrav aga skoellya a-les yn mysk an kenedhlow, ha'ga skattra y'n gwlasow.

Ezekiel 17:21

Hag oll flour y soudoryon a goedh dre'n kledha, ha'n remenant a vydh skattrys gans pub gwyns; ha hwi a woer, my, an Arloedh dhe gewsel.

Ezekiel 20:23

Ynwedh my a dhrehevis ow leuv ow ti dhedha yn difeythtir, my dh'aga skattra y'n kenedhlow ha dh'aga skoellya y'n gwlasow,

Ezekiel 22:15

My a wra dha lesa yn kenedhlow ha'th skattra y'n powyow, ha kartha dhiworthis dha vostedhes.

Ezekiel 36:19

My a's skattras yn mysk an kenedhlow, hag y fons lesys der an powyow; my a's breusis war-lergh aga fara ha'ga gwriansow.

Ezekiel 5:12

Tressa rann ahanowgh a verow dre bla po mos dhe goll dre dhivoetter a-berth ynnos; tressa rann a goedh der an kledha a-dro dhis; ha tressa rann a skattrav dhe oll an gwynsow ha tenna an kledha war aga lergh.

Ezekiel 5:2

Ty a worr tressa rann anodho yn tan yn kres an sita, wosa bos gorfennys dydhyow an esedhva; ha kemmer tressa rann ha gwask gans an kledha a-dro dhe'n sita; ha tressa rann a skattrydh dhe'n gwyns, ha my a denn an kledha war aga lergh.

Ezekiel 6:8

Mes my a as remenant; re ahanowgh a skap an kledha yn mysk an kenedhlow, pan vydhowgh skattrys y'n gwlaskordhow.

Daniel 9:7

‘Dhiso jy, A Arloedh, yma ewnder, mes dhyn ni yma meth a'n fas, dell eus y'n jydh hedhyw, dhe dus Yuda, dhe annedhysi Yerusalem, ha dhe Ysrael oll, an re ogas ha'n re bell, yn keniver pow may mons fesys genes, drefenn an trayson re wrussons er dha bynn.

Levitikus 26:29

Ha hwi a dheber kig agas mebyon, ha kig agas myrghes a dhebrowgh.

Levitikus 26:33

Ha my a wra agas skattra yn mysk an kenedhlow, ha tenna yn-mes an kledha war agas lergh; dha dir a vydh ynyal, ha'gas sitys a vydh magoryow.

Amos 9:9

Rag otta, my a worhemmynn, ha shakya chi Ysrael yn mysk an gwlasow, kepar ha shakya kroeder, ha ny goedh bilienn vyth dhe'n leur.

Zekaria 2:6

Yn-sol! Yn-sol! Fiewgh a dir an kledh, yn-medh an Arloedh, rag my re'gas lesas avel an peswar gwyns a nev, yn-medh an Arloedh.

Zekaria 7:14

My a wrug aga skattra gans korwyns yn mysk oll an kenedhlow na's aswonnsons. An tir a veu ynyal war aga lergh, ma na wrug denvyth tremena dredho na dehweles. Y hwrussons an tir hweg dhe vos ynyal.

Luk 21:24

i a goedh dre vin an kledha hag a vydh kemmerys yn keth dhe oll an kenedhlow, ha Yerusalem a vydh trettys yn-dann dreys an Jentilys, bys pan vo termynyow an Jentilys kowlwrys.

Dewteronomi 28:64

Ena an Arloedh a wra dha skattra yn mysk oll an poblow dhiworth unn penn a'n norvys bys y'n penn arall, hag ena ty a serv duwow erell neb na aswonnsys, naneyl ty na'th tasow, prenn ha men.

Dewteronomi 32:26

My a leveris: My a's defend dhe-ves; my a dhile aga hovadh dhiworth densys;

Dewteronomi 4:27

An Arloedh a wra agas skattra ynter an poblow, boghes vydh agas niver gesys yn mysk an kenedhlow may hwra an Arloedh agas ledya di.