Ezekiel 47:9 - An Bibel Kernewek 20234 (Kernewek Kemmyn)

⁹ Plepynag yth a an avon, pub kreatur bew ow hesya a vew, hag y fydh puskes pur lies drefenn an dowrow a dheu di. Y fydhons yaghhes, ha pup-tra a vew plepynag a dheu an avon.

Ezekiel 47:9 ပူးပေါင်းရင်းမြစ်များ

Yowann 6:63

An Spyrys yth yw neb a re vewnans; nyns eus prow vyth y'n kig. An geryow a gowsav dhywgh, yth yns i spyrys, ha bewnans.

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Ysay 55:1

Ho, keniver a's teffo syghes, dewgh dhe'n dowrow; ha hwi na'gas beus arghans, dewgh, prenewgh ha dybrewgh! Dewgh, prenewgh gwin ha leth heb arghans ha heb pris.

Salmow 78:16

Ev a dhros frosow yn-mes a'n garrek hag a wrug dhe dhowrow dewraga kepar hag avonyow.

Romanyon 8:2

Rag lagha Spyrys bewnans yn Krist Yesu re'th tigolmas dhiworth lagha pegh ha mernans.

Oberow 2:47

ow kormel Duw hag ow kavoes bodh da an bobel oll. Ha pub dydh an Arloedh a geworra dh'aga somm an re o selwys.

Oberow 2:41

Ytho, an re a wolkommas y er a veu besydhys, hag y'n jydh na y feu keworrys a-dro dhe dri mil a enevow;

Yowann 14:19

Hwath pols byghan ha'n bys ny'm gwel namoy; mes hwi a'm gwel, rag my a vew, ha hwi ynwedh a vew.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 5:25

‘Yn hwir, yn hwir y lavarav dhywgh, an eur a dheu, ha lemmyn yth yw, pan glew an re varow lev Mab Duw, ha neb a glew, bewa a wrons.

Yowann 3:16

‘Rag kemmys y karas Duw an bys, may ros ev y unn Vab dineythys, rag nag ella dhe goll neb a grys ynno ev, mes may fe dhodho bewnans heb diwedh.

Zekaria 2:11

Lies kenedhel a vydh junys dhe'n Arloedh y'n jydh na hag i a vydh ow fobel. My a wra triga y'th fysk ha hwi a woer y hwrug Arloedh an luyow ow dannvon dhis.

Ysay 49:12

Otta, an re ma a dheu a bellder, hag otta, an re ma a'n gledhbarth, hag a'n howlsedhes, ha'n re ma a bow Sinim.

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

Ysay 12:3

Hwi a denn dowr gans lowena dhiworth an fentynyow a selwyans.

Salmow 103:3

Neb a av dhis oll dha gammweyth, neb a yaghha oll dha glevesow,

Eksodus 15:26

ow leverel, ‘Mar mynnowgh goslowes yn tiwysyk orth lev an Arloedh agas Duw, ha gul an pyth yw ewn yn y dhewlagas, ha koela orth y worhemmynnow ha gwitha oll y ordenansow, ny worrav warnowgh nagonan a'n klevesow a worris war an Ejyptianys; rag my yw an Arloedh agas sawyer.’

1 Korinthianys 15:45

Yndella skrifys yw, ‘An kynsa den Adam a dheuth ha bos enev bew’; an Adam diwettha a dheuth ha bos spyrys a re bewnans.

Oberow 21:20

Pan glewsons, i a wordhyas Duw, ha leverel dhodho, ‘Ty a wel, broder, fatell eus lies mil yn mysk an Yedhewon neb re grysis, hag i oll yw diwysyk rag an lagha;

Oberow 6:7

Ha ger Duw a devis, ha niver an dhyskyblon yn Yerusalem a veu kressys meur, hag yth esa routh vras a'n oferysi ow tos ha bos gostydh dhe'n fydh.

Oberow 5:14

Ha moy a gryjygyon a veu keworrys dhe'n Arloedh, niverow bras hag a wer hag a venynes.

Oberow 4:4

Mes meur a'n re neb a glewas an ger a grysis, ha niver an wer a dheuth ha bos a-dro dhe bymp mil.