Ezekiel 47:2 - An Bibel Kernewek 20234 (Kernewek Kemmyn)

² Ena ev a'm dros yn-mes der yet an gogledh, ha'm ledya a-dro a'n tu a-ves bys an yet a-ves a vir troha'n est; hag otta, yth esa dowr ow resek yn-mes a denewen an soth.

Ezekiel 47:2 ပူးပေါင်းရင်းမြစ်များ

Ezekiel 40:35

Ena ev a'm dros dhe yet an gogledh ha'y vusura; kemusur o gans an re erell.

Ezekiel 44:2

Yn-medh an Arloedh dhymm: An yet ma a vydh deges; ny vydh igerys, ha ny wra denvyth entra dredhi; rag an Arloedh, Duw Ysrael res entras dredhi. Rakhenna y fydh deges.

Ezekiel 44:4

Ena ev a'm dros a-rag an tempel dre yet an gogledh. My a viras, hag otta, glori an Arloedh ow lenwel tempel an Arloedh; ha my a goedhas war ow fas.

Ezekiel 47:1

Ena ev a'm dros arta dhe entrans an tempel; hag otta, yth esa dowr ow resek a-dhann dreudhow an tempel troha'n est (rag yth esa an tempel ow mires troha'n est); hag yth esa an dowr ow resek a-dhann denewen soth an tempel, a'n soth dhe'n alter.

Ezekiel 47:3

Pan eth an gour yn-mes gans kordenn-vusura yn y leuv, ev a vusuras mil gevelin, hag ena ev a'm ledyas der an dowr, a dheuth bys y'n dhewufern.