Ezekiel 47:14 - An Bibel Kernewek 20234 (Kernewek Kemmyn)

¹⁴ Hwi a'n rann yntredha gans an eyl eretons kepar ha'y gila. My a dos gans ow leuv drehevys y ri dh'agas tasow, ha'n tir ma a goedh dhywgh avel agas eretons.

Ezekiel 47:14 ပူးပေါင်းရင်းမြစ်များ

Jenesis 12:7

Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 13:15

Rag my a re oll an tir a welydh dhiso jy ha dhe'th has bys vykken.

Jenesis 15:7

Hag ev a leveris dhodho, ‘My yw an Arloedh a'th tros mes a Ur an Kaldeanys dhe ri dhis an pow ma dh'y gavoes yn perghennogeth.’

Jenesis 17:8

Ha my a re dhis, ha dhe'th has war dha lergh, an pow mayth esos ow kodriga ynno, oll an tir a Kanan dh'y berghenna bys vykken, ha my a vydh aga Duw.’

Jenesis 26:3

Trig y'n pow ma ha my a vydh genes ha'th venniga, rag dhiso jy ha dhe'th has my a vynn ri oll an powyow ma. My a gollenow an ti a dos dhe Abraham dha das.

Jenesis 28:13

Hag awotta, yth esa an Arloedh ow sevel a-ughti, hag yn-medh ev, ‘My yw an Arloedh, Duw Abraham dha das ha Duw Ysak. My a re an tir esos ow krowedha warnodho dhiso jy ha dhe'th has.

Eksodus 6:8

Ha my a'gas dre bys yn tir hag a des y ri dhe Abraham, dhe Ysak ha dhe Yakob; my a'n re dhywgh yn perghennogeth. My yw an Arloedh.” ’

Lavarow Koth 16:33

An prenn yw tewlys y'n varrlenn, mes yma an ervirans gans an Arloedh y honan.

Ezekiel 20:28

My a's dros dhe'n tiredh may trehevis vy ow leuv ragdho, ow ti dh'y ri dhedha; mes peskweyth may hwelsons menydh ughel pynag po gwydhenn dhelyek pynag, i a wrug aga sakrifisow ena, ha ri ena rohow dhe'm provokya dhe sorr, hag offrynna ena aga sawer plegadow, ha diveri ena aga offrynn diwes.

Ezekiel 20:42

Ena hwi a woer my dhe vos an Arloedh, pan y'gas drov dhe diredh Ysrael, dhe diredh a des gans leuv drehevis y ri dh'agas tasow.

Ezekiel 36:12

My a wra dhe dus kerdhes warnowgh, ow fobel Ysrael, hag i a wra dha berghenna, ha ty a vydh aga eretons, ha nevra namoy vydhydh orth aga gul anvap.

Ezekiel 48:29

Hemm yw an tir a wredh y ranna avel eretons ow tewlel prenn rag loethow Ysrael, ha'n re ma yw aga rannow, yn-medh an Arloedh Duw.

Niverow 14:16

“Drefenn na allas an Arloedh dri an bobel bys y'n tir a dos y ri dhedha, yndella ev re's ladhas y'n gwylvos.”

Niverow 14:30

nagonan a wra dos y'n tir le may tes vy agas gorra dhe driga, marnas Kaleb mab Yefunne ha Yoshua mab Nun.

Dewteronomi 1:8

Mir, my re settyas an tir a-ragowgh. Dewgh hag erita an tir a dos an Arloedh dh'agas tasow, dhe Abraham, dhe Ysak, ha dhe Yakob, dh'y ri dhedha ha dh'aga has war aga lergh.’