Ezekiel 47:13 - An Bibel Kernewek 20234 (Kernewek Kemmyn)

¹³ Yndellma y lever an Arloedh Duw: An re ma yw an oryon may hwrewgh ranna an tir avel eretons rag an dewdhek loeth a Ysrael. Y fydh diw rann dhe Yosep.

Ezekiel 47:13 ပူးပေါင်းရင်းမြစ်များ

Yeremia 3:18

Y'n dydhyow na chi Yuda a wra kerdhes gans chi Ysrael, hag i a dheu war-barth yn-mes a dir an gogledh dhe'n tir a res rag eretons dh'agas tasow.

Jenesis 48:5

Ha lemmyn, dhymmo vy yw dha dhew vab a veu dineythys dhis yn pow Ejyp kyns my dhe dhos dhiso yn Ejyp; Efraym ha Manasse a vydh dhymmo vy, kepar dell yw Rewben ha Simeon.

Yeremia 31:1

Dhe'n keth termyn, yn-medh an Arloedh, my a vydh Duw oll teyluyow Ysrael, hag i a vydh ow fobel.

1 Kroniklys 5:1

Henedh Rewben, kynsa-genys Ysrael. (Ev o an kynsa-genys mes drefenn ev dhe wrowedha gans iswreg y das, y wir genesik o res dhe vebyon Yosep mab Ysrael; ytho nyns yw kovskrifys y'n aghskrif avel an kynsa genys.

Jenesis 49:26

Bennathow dha das yw kreffa es bennathow an menydhyow heb diwedh, es bennathow an breow heb diwedh; re bons war benn Yosep, ha war grogen an pryns yn mysk y vreder.

Ezekiel 48:29

Hemm yw an tir a wredh y ranna avel eretons ow tewlel prenn rag loethow Ysrael, ha'n re ma yw aga rannow, yn-medh an Arloedh Duw.

Niverow 34:1

An Arloedh a leveris dhe Moyses:

Yoshua 16:4

Mebyon Yosep – Manasse hag Efraym – a gemmeras aga eretons.

Yoshua 17:1

Hemm o an tiredh rynnys gans koelbrenn dhe loeth Manasse, rag y vos kynsa-genys Yosep. Dhe Makir kynsa-genys Manasse, tas Gilead, yth esa Gilead ha Bashan, drefenn y vos gour a vresel.

Ezekiel 48:1

An re ma yw henwyn an loethow. Dhiworth or an gogledh, war fordh Hethlon, dhe Lebo-hamath, bys Hasar-enan, usi war or Damaskus troha'n gogledh, ryb Hamath: dhiworth tenewen an est dhe'n west: y fydh unn rann dhe Dan.