Ezekiel 47:11 - An Bibel Kernewek 20234 (Kernewek Kemmyn)

¹¹ Mes ny vydh yaghhes y wernow ha'y halow; i a vydh gesys rag hoelan,

Ezekiel 47:11 ပူးပေါင်းရင်းမြစ်များ

Salmow 107:34

Ev a wra dhe dir leun a frut bos difeythtir, drefenn sherewneth an re usi trigys ynno.

Yeremia 17:6

Ev a vydh avel merywenn y'n difeyth, ha ny wel pan dheu dader; mes trigys vydh yn tylleryow krin an difeyth, yn tir hoelanek nag yw annedhys.

Ezekiel 47:12

Ryb an avon, war hy diw lann, y tyv gwydh a bub kinda rag boes, ma na wedher aga del, na ny fyll aga frut, mes i a dheg frut nowydh, rag bos aga dowrow dhiworth an sentri. Aga frut a vydh rag boes, ha'ga del rag yaghheans.’

Dewteronomi 29:23

Oll hy thir a vydh loskven ha hoelan, ynyal leskys; ny vydh has hesys, ha ny skyll travyth, ha ny dyv gwels vytholl ynno. Y fydh avel domhwelyans Sodom ha Gomorra, Adma ha Seboyim, a wrug an Arloedh aga domhwel yn y sorr hag yn y gonnar.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Diskwedhyans 22:11

Neb yw kammhynsek, kammhynsek bedhes hwath: ha neb yw plos, plos bedhes hwath: ha neb yw ewn, ewn bedhes hwath: ha neb yw sans, sans bedhes hwath.’

Breusysi 9:45

Abimelek a omladhas erbynn an sita oll an jydh na; ev a gemmeras an sita hag a ladhas an bobel esa ynni; ev a dorras an sita dhe'n dor hag a's hasas gans hoelan.