Ezekiel 47:1 - An Bibel Kernewek 20234 (Kernewek Kemmyn)

¹ Ena ev a'm dros arta dhe entrans an tempel; hag otta, yth esa dowr ow resek a-dhann dreudhow an tempel troha'n est (rag yth esa an tempel ow mires troha'n est); hag yth esa an dowr ow resek a-dhann denewen soth an tempel, a'n soth dhe'n alter.

Ezekiel 47:1 ပူးပေါင်းရင်းမြစ်များ

Salmow 46:4

Yma avon, ha'y goverow a lowenha sita Duw, an tyller sans, trigva an Ughella.

Salmow 46:5

Yma Duw a-bervedh ynni, ytho ny wra hi krena; Duw a weres dhedhi orth tardh an jydh.

Salmow 87:7

An ganoryon ha'n dhonsyoryon war-barth a lever, ‘Yma oll ow fentynyow ynnos jy.’

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Ysay 30:25

War bub menydh ughel ha pub bre ughel y fydh goverow ow resek gans dowr, yn dydh an ladhva vras pan goedh an touryow.

Ysay 55:1

Ho, keniver a's teffo syghes, dewgh dhe'n dowrow; ha hwi na'gas beus arghans, dewgh, prenewgh ha dybrewgh! Dewgh, prenewgh gwin ha leth heb arghans ha heb pris.

Yeremia 2:13

rag ow fobel re wrug dew dhrogedh; i re'm eskasas, an fenten a dhowrow bew, ha treghi yn-mes dowrarghow, dowrarghow terrys na yll synsi dowr.

Ezekiel 40:6

Ena ev a entras a-ji dhe'n yet esa ow mires troha'n est, hag yskynna war hy grisyow ha musura treudhow an yet, unn gorsenn y les.

Ezekiel 41:2

Les an entrans o deg kevelin, ha fosow-tenewen an entrans o pymp kevelin war an dhew denewen. Ev a vusuras y hirder, dew-ugens kevelin, ha'y les ugens kevelin.

Ezekiel 46:24

Yn-medh ev dhymm, An re ma yw an keginow may hwra an re a venyster y'n tempel bryjyon ynna sakrifis an bobel.

Ezekiel 47:12

Ryb an avon, war hy diw lann, y tyv gwydh a bub kinda rag boes, ma na wedher aga del, na ny fyll aga frut, mes i a dheg frut nowydh, rag bos aga dowrow dhiworth an sentri. Aga frut a vydh rag boes, ha'ga del rag yaghheans.’

Ezekiel 47:2

Ena ev a'm dros yn-mes der yet an gogledh, ha'm ledya a-dro a'n tu a-ves bys an yet a-ves a vir troha'n est; hag otta, yth esa dowr ow resek yn-mes a denewen an soth.

Yoel 3:18

Y'n jydh na an menydhyow a dhever gans sugen grappys, an breow a dhinwa leth resek a wra oll goverow Yuda gans dowr. Fenten a dheu yn-mes dhiworth chi an Arloedh ha dowra nans Shittim.

Zekaria 13:1

Y'n jydh na y fydh fenten igerys dhe ji Davydh ha dhe drigoryon Yerusalem rag pegh ha mostedhes.

Zekaria 14:4

Ha'y dreys a wra sevel, y'n jydh na, war an menydh Oliv, usi a-rag Yerusalem dhe'n howldrevel, ha'n menydh Oliv a vydh folsys yn dew hanter a'n howldrevel dhe'n howlsedhes, nans fest bras; ha hanter an menydh a vydh removyes dhe'n kledh, ha hanter dhe'n dyghow.

Zekaria 14:8

Y'n jydh na dowr bew a wra mos yn-mes dhiworth Yerusalem, hanter anodho dhe vor an howldrevel ha hanter anodho dhe vor an howlsedhes: y hwyrvydh yn hav hag yn gwav.

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.