Ezekiel 45:9 - An Bibel Kernewek 20234 (Kernewek Kemmyn)

⁹ Yndellma y lever an Arloedh Duw: Lowr yw, a bennsevigyon Ysrael! Hepkorrewgh garowder ha ravna, ha gwrewgh gwirvreus hag ewnder; na wrewgh tewlel ow fobel yn-mes a'ga ferghennogeth na fella, yn-medh an Arloedh Duw.

Ezekiel 45:9 ပူးပေါင်းရင်းမြစ်များ

Job 20:19

Rag ev a arwaskas an voghosogyon ha'ga forsakya, drefenn ev dhe gemmeres dhe-ves dre nerth chi na dhrehevis ev.

Job 22:9

Ty re dhannvonas gwedhwesow dhe-ves gwag aga diwla, ha breghow omdhivasow re beu brewys.

Ysay 1:17

dyskewgh gul da, hwilewgh gwirvreus, ewnewgh an arwasker, rewgh gwirvreus dhe'n omdhivas, defendyewgh an wedhwes.

Yeremia 22:3

Yndellma y lever an Arloedh: Gwrewgh gwirvreus hag ewnder, ha delivrewgh a-dhiworth dorn an arwasker an den a veu dalghennys. Ha na wrewgh kammhynseth na freudh dhe'n alyon, an omdhivas, na'n wedhwes, po skoellya goes gwiryon y'n tyller ma.

Yeremia 6:7

Dell wra puth gwitha y dowrow govynn, yndellma hi a gwith yr hy thebelwrians: freudh ha diswrians yw klewys ynni; yma galar ha goliow prest a-ragov.

Ezekiel 44:6

Lavar dhe'n chi diwostydh, dhe ji Ysrael, Yndellma y lever an Arloedh Duw: Bedhes diwedh dhe'th weythresow kasadow, a ji Ysrael,

Ezekiel 7:11

Freudh re devis avel gwelenn a sherewynsi; ny vydh gesys nagonan anedha, nagonan a'ga routh, na travyth a'ga golusogneth, na travyth a bris ynna.

Ezekiel 7:23

Gwra an kadon, rag an tir yw leun a skoellya goes, ha'n sita yw leun a freudh.

Ezekiel 8:17

Ena yn-medh ev dhymm, ‘A welsys, mab den? Yw ev tra drufel rag chi Yuda, i dhe wul an taklow vil re wrussons omma? Rag i re lenwis an tir a freudh, ha'm serri hwath moy. Ottensi ow korra skorrenn dh'aga throen.

Amos 5:15

Kesewgh droktra, ha kerewgh dader, ha fastyewgh gwirvreus y'n yet; martesen an Arloedh, Duw an luyow, a gemmer truedh a remenant Yosep.

Amos 5:24

Re wrello ewnder frosa yn-nans avel dowrow, ha gwiryonedh kepar hag avon prest ow resek.

Mika 2:9

Gwragedh ow fobel a fesyowgh a'ga chiow plesont; dhiworth aga fleghesigow hwi a gemmer dhe-ves ow golewder bynitha.

Mika 6:10

Eus hwath tresoryow drogober yn chi an debeles, ha'n efa berr-vusurys milliges?

Zekaria 7:9

Yndellma y lever Arloedh an luyow: Breusewgh gans gwirvreus; gwrewgh mersi ha piteth an eyl dh'y gila.

Zekaria 8:16

Hwi a wra an taklow ma: kewsewgh an gwir an eyl orth y gila; rewgh breus a wirder ha kres yn agas porthow;

Luk 3:14

Ha soudoryon ynwedh a wovynni orto ow leverel, ‘Ha ni, pandr'a wren ni?’ Hag ev a leveris dhedha, ‘Na ledrewgh dre wodros dhiworth denvyth, ha na guhudhewgh yn fals, ha bedhewgh kontentys gans agas arveth.’

1 Peder 4:3

Rag lowr yw an termyn usi tremenys dhe wul war-lergh towl an Jentilys ow pesya yn leshyans, drokhwansow, medhwenep, kevewiow gwyls, eva re ha gordhyans idolys yw erbynn lagha.