Ezekiel 45:8 - An Bibel Kernewek 20234 (Kernewek Kemmyn)

⁸ An tir ma a vydh y berghennogeth yn Ysrael. Ny wra ow fennsevigyon arwaska ow fobel na fella, mes i a re an tir dhe ji Ysrael war-lergh aga loethow.

Ezekiel 45:8 ပူးပေါင်းရင်းမြစ်များ

Lavarow Koth 28:16

Rewler heb konvedhes a gyv dre nerth, mes neb a gas gwayn anewn a'n jevydh bewnans hir.

Yeremia 22:17

Mes nyns yw dha dhewlagas ha'th kolonn marnas rag gwayn anewn, ha rag skoellya goes gwiryon, ha rag gul arwask ha freudh.

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Ezekiel 19:3

Hi a vagas onan a'y lewigow; ev a dheuth ha bos lew yowynk. Ev a dhyskas skwardya preydh; ev a dhybris tus.

Ezekiel 19:7

Ev a dorras aga falesyow dhe'n dor ha gul aga threvow ynyal. An pow a skruthas ha pup-tra esa ynno gans son y usa.

Ezekiel 22:27

Hy fennsevigyon ynni yw avel bleydhi ow terri preydh, ow skoellya goes dhe dhistrui enevow may kaffons gwayn anewn.

Ezekiel 22:6

Otta ynnos re beu pennsevigyon Ysrael, pubonan herwydh y nerth ow skoellya goes.

Ezekiel 46:18

Ny wra an pennsevik kemmeres travyth a eretons an bobel, orth aga thewlel mes a'ga ferghennogeth; ev a re eretons dh'y vebyon yn-mes a'y berghennogeth y honan, ma na vo nagonan a'm pobel diberthys dhiworth y berghennogeth.

Sefania 3:13

Ny wra remenant Ysrael sherewneth, na leverel gowyow; na ny vydh taves fekyl kevys yn aga ganow; rag i a beur ha growedha, ha denvyth ny wra dhedha perthi own.

Jamys 2:6

Mes hwi a dhisenoras an boghosek. A ny'gas begh an dus rych? A ny'gas tennons a-dherag lysyow breus?

Yoshua 11:23

Ytho Yoshua a gemmeras an tir oll, war-lergh oll re lavarsa an Arloedh dhe Moyses: ha Yoshua a'n ros avel eretons dhe Ysrael war-lergh rannow aga loethow. Ha'n tir a'n jeva kres dhiworth bresel.

Yoshua 19:49

Pan gowlwrussens ranna an tir gans y oryon, an Ysraelysi a ros eretons dhe Yoshua mab Nun yn aga mysk.