Ezekiel 45:3 - An Bibel Kernewek 20234 (Kernewek Kemmyn)

³ Y'n rannvro sans ty a vusur rann a bymp warn ugens a vilyow hy hirder, ha deg mil hy les; ynni y fydh an sentri, an tyller an moyha sans.

Ezekiel 45:3 ပူးပေါင်းရင်းမြစ်များ

1 Myghternedh 6:16

Ev a dhrehevis spas a ugens kevelin rynnys dhiworth delergh an chi gans estyll prenn keder a'n leur dhe'n kebrow, hag ev a dhrehevis hemma avel sentri pervedhel, avel an tyller an moyha sans.

Ezekiel 45:2

Anedhi y fydh rann bedrek rag an sentri, pymp kans hy hirder ha pymp kans hy les, ha spas igor a hanter-kans kevelin a-dro dhedhi.

Ezekiel 45:4

Rann sans an tir a vydh dhe'n oferysi, menystrys an sentri, an re a dheu nes dhe venystra dhe'n Arloedh; hag y fydh tyller rag aga chiow ha tyller sans rag an sentri.

Ezekiel 48:10

An re ma a vydh an offrynn sans rag an oferysi: y'n gogledh, pymp warn ugens a vilyow, hag y'n howlsedhes deg mil y les, hag y'n est deg mil y les, hag y'n soth pymp warn ugens a vilyow y hirder; ha'n sentri a vydh y'n kres anodho.

Ezekiel 48:8

Ryb or Yuda, dhiworth tenewen an est bys tenewen an west, y fydh an offrynn a offrynnowgh, pymp warn ugens a vilyow y les, ha'y hirder kepar ha'n rannow erell, dhiworth tenewen an est bys tenewen an west; ha'n sentri a vydh y'n kres anodho.