Ezekiel 43:7 - An Bibel Kernewek 20234 (Kernewek Kemmyn)

⁷ Yn-medh ev dhymm: Mab den, hemm yw tyller ow thron ha tyller godhnow ow threys may trigav ena yn mysk mebyon Ysrael bys vykken. Ny wra chi Ysrael defola ow hanow sans, naneyl i na'ga myghternedh, gans aga horyans, ha gans peulveyn aga myghternedh wosa i dhe verwel.

Ezekiel 43:7 ပူးပေါင်းရင်းမြစ်များ

Ezekiel 43:9

Lemmyn gorrens dhe-ves aga horyans ha peulveyn aga myghternedh pell dhiworthiv, ha my a drig yn aga mysk bys vykken.

Salmow 47:8

Reynya a wra Duw war an kenedhlow; Duw yw esedhys war dron y sansoleth.

Levitikus 26:30

Ha my a dhiswra agas tylleryow ughel, ha terri dhe'n dor agas alteryow ynkys, ha tewlel agas korfow war gorfow agas idolys, ha'm spyrys a wra agas aborrya.

Diskwedhyans 22:3

Ha ny vydh kevys travyth milliges namoy, mes tron Duw ha'n Oen a vydh ynni; ha'y wesyon a wra y wordhya:

Ezekiel 20:39

Ha hwi, chi Ysrael, yndellma y lever an Arloedh Duw: Kewgh, servyowgh agas idolys, hwi oll. A-wosa hwi a woslow dhymm yn sur, ha ny dhisakrowgh ow hanow sans arta gans agas rohow ha gans agas idolys.

Ezekiel 1:26

A-ugh an fyrmament esa a-ugh aga fennow yth esa hevelep men saffir, an hevelep a dron; ha war hevelep an tron yth esa an hevelep a dhen a-ughti.

Salmow 99:1

An Arloedh yw Myghtern; krenes an poblow. Ev yw esedhys war an cherubim; krysyes an nor.

1 Kroniklys 28:2

Davydh an myghtern a sevis yn-bann, hag a leveris: ‘Goslowewgh orthiv, ow breder ha'm pobel. Dhe'm parth evy, yth esa y'm brys dhe dhrehevel chi a bowes rag argh kevambos an Arloedh ha rag skavell-droes agan Duw, ha my re wrug darbarow dh'y dhrehevel.

2 Korinthianys 6:16

Ha py akord eus dhe dempel Duw gans idolys? Rag ni yw tempel an Duw bew, dell leveris Duw, ‘My a wra triga yn aga mysk, ha my a wra kerdhes yn aga mysk; aga Duw vydhav vy, hag ow fobel vydhons i.

Yowann 14:23

Yesu a worthybis ha leverel dhodho, ‘Piwpynag a'm karro a with ow geryow, ha'm Tas a'n karvydh, ha ni a dheu dhodho ha gul agan trigva ynno.

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Zekaria 13:2

Y'n jydh na, yn-medh Arloedh an luyow, my a wra dilea henwyn an imajys dhiworth an tir, ha ny vydhons kovhes byth moy; ynwedh my a wra gorra dhe-ves a'n tir an brofoesi ha'n spyrys avlan.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Hosea 14:8

A Efraym, pandr'yw imajys hwath dhymmo vy? My a worthyp dhodho, ha'y witha. My yw avel merywenn las; dha frut a dheu a-dhiworthiv.

Ezekiel 48:35

An kompas yw etek mil. Ha hanow an sita a-dhia'n jydh na a vydh: Yma an Arloedh Ena.

Ezekiel 39:7

My a wra dhe'm hanow sans bos aswonnys yn mysk ow fobel Ysrael; ha ny asav ow hanow sans dhe vos defolys na fella; ha'n kenedhlow a woer my dhe vos an Arloedh, an Sans yn Ysrael.

Ezekiel 10:1

Ena my a viras, hag otta, y'n fyrmament esa a-ugh penn an cherubim yth esa neppyth avel men saffir, hag yth omdhiskwedhas a-ughta avel semlans hevelep tron.

Yeremia 17:12

Tron gloryus, ughel a'n dallethvos yw tyller agan sentri.

Yeremia 16:18

Hag yn kynsa my a attal rag aga hammhynseth ha'ga fegh yn tewblek; drefenn i dhe dhefola ow thir gans korfow aga idolys, ha lenwel ow eretons gans aga thaklow kasadow.

Yeremia 14:21

Na wra agan kasa, a-barth dha hanow; na dhisenor tron dha wolewder; porth kov, na dorr dha gevambos genen.

Yeremia 3:17

Y'n termyn na i a elow Yerusalem Tron an Arloedh; hag oll an kenedhlow a vydh kuntellys dhedhi, dhe hanow an Arloedh yn Yerusalem: ha ny holyons yn hworth namoy aga thebel golonn.

Ysay 66:1

Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Ysay 6:1

Y'n vlydhen may ferwis myghtern Uzzia, my a welas an Arloedh esedhys yn se, ughel ha drehevys, ha lostennow y bows a lenwis an tempel.

Salmow 132:14

‘Hemma a vydh ow fowesva bynitha; omma y trigav, rag my re yeunis war hy lergh.

Salmow 99:5

Ughelhewgh an Arloedh agan Duw, hag omblegyewgh a-dherag y skavell-droes, rag sans yw ev.

Salmow 68:18

Ty re yskynnas y'n ughelder, ty re hembronkas prisnoryon, ty re dhegemmeras rohow yn mysk tus, hag yn mysk an re worth, rag may trykko an Arloedh Duw ena.

Eksodus 29:45

Ha my a drig yn mysk mebyon Ysrael, ha my a vydh aga Duw.

Salmow 46:5

Yma Duw a-bervedh ynni, ytho ny wra hi krena; Duw a weres dhedhi orth tardh an jydh.

Ezekiel 6:5

My a worr korfow mebyon Ysrael a-rag aga idolys, ha skattra agas eskern a-dro dh'agas alteryow.

Ezekiel 6:13

Ena hwi a woer my dhe vos an Arloedh, pan vydh aga re ledhys yn mysk aga idolys a-dro dh'aga alteryow, war bub bronn ughel, war oll pennow an menydhyow, hag yn-dann bub gwydhenn las, hag yn-dann bub terebinthenn dhelyek, le may rosons ena sawer plegadow dhe oll aga idolys.

Eksodus 25:8

Ha gas i dhe wul dhymm sentri may trikkiv yn aga mysk.

1 Myghternedh 8:13

Devri my re dhrehevis dhis chi ughel, tyller rag ty dhe driga ynno bys vykken.’

2 Myghternedh 16:4

Hag ev a sakrifia ha leski offrynnow y'n tylleryow ughel, ha war an breow, hag yn-dann bub gwydhenn las.

Salmow 68:17

Charettow Duw yw ugens mil, ha milyow a vilyow; yma an Arloedh yn aga mysk, avel yn Sinay, y'n sentri.

Mika 4:7

hag a'n evredhyon y hwrav vy remenant; ha'n re a veu tewlys dhe skoell, kenedhel grev; ha'n Arloedh a reyn dresta yn menydh Sion alemma rag ha bynitha.

Zekaria 13:3

Mar kwra nebonan profoesa hwath, ena y das ha'y vamm a'n dineythis a lever dhodho, ‘Ny vewydh; rag ty re wowleveris yn hanow an Arloedh.’ Y das ha'y vamm a'n dineythis a wra y wana pan wra ev profoesa.