Ezekiel 43:5 - An Bibel Kernewek 20234 (Kernewek Kemmyn)

⁵ Ena an spyrys a'm drehevis ha'm dri dhe'n klos a-bervedh; hag otta, glori an Arloedh a lenwis an tempel.

Ezekiel 43:5 ပူးပေါင်းရင်းမြစ်များ

Ezekiel 11:24

An Spyrys a'm drehevis ha'm dri dhe'n dhivresow yn Kaldea y'n welesigeth yn Spyrys Duw. Ena an welesigeth a welsen a yskynnas dhiworthiv.

Ezekiel 8:3

Ev a ystynnas furv leuv ha'm kemmeres er kudynn a wols ow fenn. An spyrys a'm drehevis ynter an nor ha'n nev, ha'm dri dhe Yerusalem yn gwelesigethow Duw, dhe dharas an yet a-bervedh, a vir troha'n gledhbarth, ple'th esa imaj an avi, a brovok dhe avi.

Oberow 8:39

Ha pan dheuthons yn-bann mes a'n dowr, Spyrys an Arloedh a gachyas Felip dhe-ves; ny'n gwelas an spadhesik na fella, hag ev eth y'n fordh yn unn lowenhe.

Ezekiel 44:4

Ena ev a'm dros a-rag an tempel dre yet an gogledh. My a viras, hag otta, glori an Arloedh ow lenwel tempel an Arloedh; ha my a goedhas war ow fas.

Ezekiel 37:1

Yth esa warnav leuv an Arloedh, hag ev a'm dug mes yn spyrys an Arloedh, ha'm settya yn kres an nans; y feu leun a eskern.

Ezekiel 40:2

Ev a'm dros, yn gwelesigethow a Dhuw, dhe bow Ysrael, ha'm settya war venydh pur ughel, may feu warnodho neppyth haval dhe sita a-dhyghowbarth.

Ezekiel 10:4

Ha glori Duw Ysrael a yskynnas a-dhiwar an cherub bys yn treudhow an chi, ha'n chi o lenwys a'n gommolenn, ha'n klos o leun a splannder glori an Arloedh.

Ysay 6:3

An eyl a elwi dh'y gila, ow leverel, ‘Sans, sans, sans, Arloedh an luyow, oll an norvys yw leun a'y glori.’

An Gan a Ganow 1:4

Tenn vy war dha lergh – poenya a wren! An myghtern re'm kyrghas a-bervedh yn y jambouryow, Heudhik on ni ha ni a lowenha ynnos; ni a govha dha gerensa moy ages gwin, yn ewn i re'th karas!

2 Kroniklys 5:14

ha ny allas an oferysi sevel dhe venystra drefenn an gommolenn; rag glori an Arloedh a lenwis chi Duw.

2 Myghternedh 2:16

I a leveris dhodho, ‘Otta lemmyn, yma gans dha wesyon hanter-kans gour krev. Gas dhedha mos, ni a'th pys, rag hwilas dha vester, rag own Spyrys an Arloedh re'n synsis yn-bann ha'y dewlel war neb menydh, po yn neb nans.’ Hag ev a leveris, ‘Na's dannvenowgh.’

1 Myghternedh 18:12

Kettell vydhav gyllys ahanas, spyrys an Arloedh a'th teg ny wonn py le; ytho pan dhov ha leverel dhe Ahab ha ny yll ev dha gavoes, ev a'm ladh. Dha was re borthas own a'n Arloedh a-dhia'm yowynkneth.

Eksodus 40:34

Ena an gommolenn a gudhas tylda an kuntelles, ha golewder an Arloedh a lenwis an tabernakel.

Ezekiel 1:28

Haval dhe semlans kammneves y'n kommol yn dydh glaw, yndella o an golowyjyon a-dro dhodho. Hemm o semlans kepar ha glori an Arloedh. Pan y'n welis, my a goedhas war ow fas, ha klewes lev ow kewsel.

Ezekiel 11:1

Ena an spyrys a'm drehevis ha'm dri dhe yet est chi an Arloedh, a vir troha'n est. Hag otta, orth an yet yth esa pymp gour warn ugens, ha my a welas yn aga mysk Yaazania mab Azzur, ha Pelatia mab Benaya, pennsevigyon an bobel.

Ezekiel 3:5

Rag nyns os dannvenys dhe bobel a yeth estren ha taves kales, mes dhe ji Ysrael,