Ezekiel 43:2 - An Bibel Kernewek 20234 (Kernewek Kemmyn)

² hag otta, glori Duw Ysrael ow tos dhiworth an est; y lev o kepar ha son dowrow meur, ha'n nor a splannas gans y glori.

Ezekiel 43:2 ပူးပေါင်းရင်းမြစ်များ

Diskwedhyans 18:1

Wosa an taklow ma my a welas ken el ow tiyskynna dhiworth nev, meur y alloes, ha'n nor a veu golowys gans y splannder.

Ezekiel 11:23

Glori an Arloedh a yskynnas yn-mes a'n sita, ha sevel war an menydh yw a'n est dhe'n sita.

Ysay 6:3

An eyl a elwi dh'y gila, ow leverel, ‘Sans, sans, sans, Arloedh an luyow, oll an norvys yw leun a'y glori.’

Ezekiel 10:4

Ha glori Duw Ysrael a yskynnas a-dhiwar an cherub bys yn treudhow an chi, ha'n chi o lenwys a'n gommolenn, ha'n klos o leun a splannder glori an Arloedh.

Ezekiel 1:28

Haval dhe semlans kammneves y'n kommol yn dydh glaw, yndella o an golowyjyon a-dro dhodho. Hemm o semlans kepar ha glori an Arloedh. Pan y'n welis, my a goedhas war ow fas, ha klewes lev ow kewsel.

Diskwedhyans 1:15

ha'y dreys o kepar ha brest fin purhes kepar hag yn fornes, ha'y lev kepar ha son lies dowr.

Ezekiel 3:23

Ytho my a sevis ha mos yn-mes dhe'n nans. Hag awotta glori an Arloedh ow sevel ena, kepar ha'n glori a welis ryb an avon Kebar, ha my a goedhas war ow fas.

Ezekiel 1:24

My a glewas son aga eskelli, avel son dowrow pals, hag i ow mos, avel lev an Ollgalloesek, son tervans lu. Pan sevens, i a asa aga eskelli dhe goedha.

Diskwedhyans 21:23

Ha dhe'n sita nyns esa edhomm a'n howl nag a'n loer dhe splanna ynni, rag splannder Duw a's golowi, ha'n Oen yw hy lugarn.

Diskwedhyans 14:2

Ha my a glewas son dhiworth nev kepar ha son lies dowr, ha son taran vras, ha'n son a glewis o kepar ha telynnyoryon ow telynnya gans aga thelynnow.

Diskwedhyans 19:6

Ha my a glewas kepar ha pan ve lev routh veur, ha son lies dowr, ha lev taran veur ow leverel, ‘Alleluya; rag an Arloedh agan Duw, an Ollgalloesek, a reyn.

Diskwedhyans 19:1

Wosa an taklow ma, my a glewas kepar ha pan ve lev bras lies den yn nev ow leverel, ‘Alleluya; selwyans, ha gordhyans, ha galloes dh'agan Duw:

Yowann 12:41

Ysay a leveris hemma rag ev dhe weles y wolewder, hag ev a gewsis anodho ev.

Habakkuk 3:3

Duw a dheu dhiworth Teman, ha'n Sans dhiworth menydh Paran. Sela. Y veuredh re gudhas an nevow, ha'y wormola re lenwis an nor.

Habakkuk 2:14

Rag lenwys vydh an nor gans godhvos golewder an Arloedh, dell worher an dowrow an mor.

Ezekiel 9:3

Ha glori Duw Ysrael eth yn-bann a-dhiwar an cherub may fia warnodho, dhe dreudhow an chi. Ev a elwis dhe'n gour o gwiskys yn lien gans daffar skrifyas war y glun;

Diskwedhyans 21:11

ha gensi golewder Duw, ha'y golow kepar ha men a'n moyha drudh, kepar ha men yasper, mar lan avel gwrys.

Ysay 17:12

Ogh tru, an tervans a lies pobel, ow terva kepar ha tervans an moryow; ha tarennans poblow kepar ha tarennans dowrow krev!

Ezekiel 11:22

Ena an cherubim a drehevis aga eskelli ha'ga rosow rybdha, hag yth esa glori Duw Ysrael warnedha a-wartha.

Ezekiel 43:4

Glori an Arloedh a dheuth bys y'n tempel der an yet esa ow mires troha'n est.

Ezekiel 44:2

Yn-medh an Arloedh dhymm: An yet ma a vydh deges; ny vydh igerys, ha ny wra denvyth entra dredhi; rag an Arloedh, Duw Ysrael res entras dredhi. Rakhenna y fydh deges.

Habakkuk 3:4

Ha'n splannder yw kepar ha'n golow; lughesennow a dheu a'y leuv, hag ena yma kudhans y nerth.