Ezekiel 42:20 - An Bibel Kernewek 20234 (Kernewek Kemmyn)
20 Ev a'n musuras war an peswar tenewen. Yth esa dhodho fos oll a-dro pymp kans kevelin hy hirder, ha pymp kans kevelin hy les, dhe wul diberth ynter an sans ha'n ansans.
Hag otta, yth esa fos a-ves dhe'n chi oll a-dro. Hirder an gorsenn-vusura yn leuv an gour o hwegh kevelin-hir, pub kevelin-hir o kevelin ha dornva. Ev a vusuras les an fos, unn gorsenn; ha'n ughelder, unn gorsenn.
Hy oferysi re wrug freudh erbynn ow lagha ha disakra ow thaklow sans; ny dhissernsons yntra sans hag ansans, ha ny dhysksons dissernya yntra glan hag avlan; i re dhegeas aga dewlagas dhiworth ow sabotys, mayth ov vy disakrys yn aga mysk.
An pymp mil yn les yw gesys, ha'n pymp warn ugens a vilyow yn hirder, a vydh tyller na veu sakrys rag an sita dhe wul devnydh anodho, rag annedhow, ha rag peurvaow. An sita a vydh y'n kres anodho.
Oll an offrynn a vydh pymp warn ugens a vilyow orth pymp warn ugens a vilyow, pedrek. Ty a offrynn an offrynn sans war-barth gans perghennogeth an sita.