Ezekiel 40:6 - An Bibel Kernewek 20234 (Kernewek Kemmyn)

⁶ Ena ev a entras a-ji dhe'n yet esa ow mires troha'n est, hag yskynna war hy grisyow ha musura treudhow an yet, unn gorsenn y les.

Ezekiel 40:6 ပူးပေါင်းရင်းမြစ်များ

1 Myghternedh 6:8

Yth esa daras an leur isella war denewen dyghow an chi: yth esa grisyow ow ledya dhe'n leur kres, hag a'n leur kres dhe'n tressa.

1 Kroniklys 9:18

Kyns an termyn na yth ens gwithysi orth yet an myghtern troha'n est. Re biens porthoryon rag kamp an Levysi.

1 Kroniklys 9:24

Yth esa an borthoryon war an peswar tenewen, howldrehevel, howlsedhes, kledhbarth ha dyghowbarth;

Nehemia 3:29

War aga lergh Sadok mab Immer a wrug ewnheansow a-dal y ji y honan. War y lergh Shemaia mab Shekania, an gwithyas orth Yet an Est a wrug ewnheansow.

Salmow 84:10

Rag unn jydh y'th klosyow yw gwell ages mil yn ken le. Gwell via genev bos porther yn chi ow Duw ages annedhi tyldow sherewneth.

Yeremia 19:2

ha ke yn-mes bys yn nans mab Hinnom usi ryb entrans Yet Darnow an Pottow Pri, ha dyllo ena an geryow a lavarav dhis,

Ezekiel 10:18

Ena glori an Arloedh eth dhe-ves dhiwar dreudhow an chi, ha sevel a-ugh an cherubim.

Ezekiel 11:1

Ena an spyrys a'm drehevis ha'm dri dhe yet est chi an Arloedh, a vir troha'n est. Hag otta, orth an yet yth esa pymp gour warn ugens, ha my a welas yn aga mysk Yaazania mab Azzur, ha Pelatia mab Benaya, pennsevigyon an bobel.

Ezekiel 40:20

Ena ev a vusuras an yet a vir troha'n gogledh, ow ledya dhe'n klos a-ves, hy hirder ha'y les.

Ezekiel 40:22

Hag yth esa hy fenestri, ha'y portal ha'y palmys kemusur gans an yet esa ow mires troha'n est. Yth ens yn-bann dhedhi war seyth gris, hag yth esa hy fortal a-dal dhedhi.

Ezekiel 40:24

Ena ev a'm dros troha'n soth, hag otta, yth esa yet y'n soth. Ev a vusuras y gilbostow ha'y bortal. Yth ens i kemusur gans an re erell.

Ezekiel 40:26

Yth esa seyth gris ow mos yn-bann dhodho, hag yth esa y bortal a-dal dhedha; yth esa dhodho palmys war y gilbostow, onan war bub tenewen.

Ezekiel 40:5

Hag otta, yth esa fos a-ves dhe'n chi oll a-dro. Hirder an gorsenn-vusura yn leuv an gour o hwegh kevelin-hir, pub kevelin-hir o kevelin ha dornva. Ev a vusuras les an fos, unn gorsenn; ha'n ughelder, unn gorsenn.

Ezekiel 40:7

Yth esa logow, unn kevelin aga hirder hag unn kevelin aga les, hag yth esa pymp kevelin ynter an logow; ha treudhow an yet ryb portal an yet war-tu ha'n sentri o unn gorsenn.

Ezekiel 41:16

an treudhowyow, an fenestri ynn ha'n tremenvaow a-dro dh'aga thri, a veu pannellow gans prenn oll a-dro. Dhiworth an leur yn-bann dhe'n fenestri, ha'n fenestri aga honan, o kudhys.

Ezekiel 42:15

Wosa gorfenna musura parth a-ji an tempel, ev a'm dros yn-mes troha'n yet a vir troha'n est, ha'y musura oll a-dro.

Ezekiel 43:1

Ena ev a'm dros dhe'n yet, an yet ow mires troha'n est,

Ezekiel 43:17

An min a vydh pedrek, peswardhek kevelin y hirder ha peswardhek kevelin y les, gans amal a-dryv an alter. Hy grisyow a vir orth an est.

Ezekiel 43:8

Pan worrsons aga threudhow ryb ow threudhow vy, ha'ga fostow-daras ryb ow fostow-daras vy, gans travyth marnas paros yntra my hag i, i a dhefolas ow hanow sans gans an taklow kasadow a wrussons; ytho my re's konsumyas y'm sorr.

Ezekiel 44:1

Ena ev a'm dros dhe yet an sentri a-ves, a vir troha'n est; hag yth o deges.

Ezekiel 46:12

Pan wra an pennsevik provia offrynn bolonjedhek, offrynn leskys po offrynn kres, avel offrynn bolonjedhek dhe'n Arloedh, an yet a vir troha'n est a vydh igerys ragdho; hag ev a offrynn y offrynn leskys ha'y offrynnow kres dell wra yn dydh an sabot. Ena ev a omdenn, ha wosa ev dhe omdenna, an yet a vydh deges.

Ezekiel 47:1

Ena ev a'm dros arta dhe entrans an tempel; hag otta, yth esa dowr ow resek a-dhann dreudhow an tempel troha'n est (rag yth esa an tempel ow mires troha'n est); hag yth esa an dowr ow resek a-dhann denewen soth an tempel, a'n soth dhe'n alter.

Ezekiel 8:16

Ena ev a'm dros dhe'n klos a-bervedh a ji an Arloedh; hag otta, orth daras tempel an Arloedh, ynter an yet ha'n alter, yth esa a-dro dhe bymp gour warn ugens, gans aga heynow troha tempel an Arloedh ha'ga fasow troha'n est, owth omblegya dhe'n howl y'n est.