Ezekiel 40:5 - An Bibel Kernewek 20234 (Kernewek Kemmyn)

⁵ Hag otta, yth esa fos a-ves dhe'n chi oll a-dro. Hirder an gorsenn-vusura yn leuv an gour o hwegh kevelin-hir, pub kevelin-hir o kevelin ha dornva. Ev a vusuras les an fos, unn gorsenn; ha'n ughelder, unn gorsenn.

Ezekiel 40:5 ပူးပေါင်းရင်းမြစ်များ

Salmow 125:2

Kepar dell sev an menydhyow a-dro dhe Yerusalem, yn kettella y sev an Arloedh a-dro dh'y bobel, alemma rag ha bys vykken.

Ysay 26:1

Y'n jydh na an gan ma a vydh kenys yn pow Yuda: Ni a'gan beus sita krev; ev a wra selwyans, avel fosow ha kerweyth.

Ysay 60:18

Freudh ny vydh klewys byth moy y'th tiredh, na terroes na distruyans y'th oryon, mes ty a elow dha fosow Selwyans, ha'th yetys Gormola.

Ezekiel 41:8

My a welas ynwedh bos dhe'n chi terras ughelhes avel sel oll a-dro; selyow an chambouryow-tenewen o korsenn leun, hwegh kevelin aga ughelder.

Ezekiel 42:15

Wosa gorfenna musura parth a-ji an tempel, ev a'm dros yn-mes troha'n yet a vir troha'n est, ha'y musura oll a-dro.

Ezekiel 42:20

Ev a'n musuras war an peswar tenewen. Yth esa dhodho fos oll a-dro pymp kans kevelin hy hirder, ha pymp kans kevelin hy les, dhe wul diberth ynter an sans ha'n ansans.

Ezekiel 43:13

Hemm yw musurans an alter yn kevelinyow (an kevelin yw kevelin ha dornva). Downder an londer a vydh kevelin ha'y les kevelin, gans amal a unn dhornva a-dro dh'y amal. Hemm yw ughelder an alter.

Zekaria 2:5

My a vydh fos tan a-dro, yn-medh an Arloedh, ha my a vydh golewder a-bervedh ynni.’

Dewteronomi 3:11

Rag ny veu gesys saw unnsel Og myghtern Bashan dhiworth remenant an Refaim. Otta, y weli o gweli a horn: a nyns usi yn Rabbath a vebyon Ammon? Naw kevelin yw y hys ha peswar kevelin y les, war-lergh kevelin gour.

Diskwedhyans 21:12

Ha gensi yth esa fos vras hag ughel, ha dewdhek yet, hag orth an yetys dewdhek el, ha henwyn skrifys warnedha, yw a'n dewdhek loeth a vebyon Ysrael.