Ezekiel 40:1 - An Bibel Kernewek 20234 (Kernewek Kemmyn)

¹ Y'n pympes blydhen warn ugens a'gan divroedh, yn dalleth an vlydhen, yn degves dydh an mis, y'n peswardhegves blydhen wosa an sita dhe vos gweskys yn-nans, poran y'n jydh na, leuv an Arloedh a veu warnav, hag ev a'm dros ena.

Ezekiel 40:1 ပူးပေါင်းရင်းမြစ်များ

Ezekiel 33:21

Y'n dewdhegves blydhen a'gan divroedh, y'n unnegves mis, yn pympes dydh an mis, dianker dhiworth Yerusalem a dheuth dhymm, ow leverel, ‘An sita yw gweskys.’

Ezekiel 37:1

Yth esa warnav leuv an Arloedh, hag ev a'm dug mes yn spyrys an Arloedh, ha'm settya yn kres an nans; y feu leun a eskern.

Ezekiel 32:17

Y'n dewdhegves blydhen, yn pymthegves dydh an mis, ger an Arloedh a dheuth dhymm, ow leverel,

Ezekiel 32:1

Y'n dewdhegves blydhen, y'n dewdhegves mis, yn kynsa dydh an mis, ger an Arloedh a dheuth dhymm, ow leverel:

Ezekiel 3:22

Yth esa leuv an Arloedh warnav eno; hag ev a leveris dhymm, Sav ha ke yn-mes dhe'n nans, hag eno my a gews genes.

Ezekiel 3:14

Ena an spyrys a'm drehevis hag a'm kemmeras, ha gyllys veuv yn hwerowder, yn sorr ow spyrys, ha leuv an Arloedh o krev warnav.

Diskwedhyans 1:10

Yth esen y'n Spyrys yn dydh an Arloedh, ha klewes a-dryv dhymm lev bras, kepar ha hirgorn,

Ezekiel 29:17

Y'n seythves blydhen warn ugens, yn kynsa dydh an mis, ger an Arloedh a dheuth dhymm, ow leverel:

Ezekiel 11:24

An Spyrys a'm drehevis ha'm dri dhe'n dhivresow yn Kaldea y'n welesigeth yn Spyrys Duw. Ena an welesigeth a welsen a yskynnas dhiworthiv.

Ezekiel 8:1

Y'n hweghves blydhen, y'n hweghves mis, yn pympes dydh an mis, ha my owth esedha y'm chi, ha henavogyon Yuda owth esedha a-ragov, leuv an Arloedh Duw a goedhas warnav ena.

Eksodus 12:41

Ha dhe benn an peswar kans ha deg blydhen warn ugens, y'n jydh na poran, oll luyow an Arloedh eth yn-mes a bow Ejyp.

Eksodus 12:3

Leverewgh dhe oll kuntelles Ysrael, Yn degves dydh an mis ma, kemmeres pubonan oen herwydh chi aga thasow, oen dhe bub chi;

Eksodus 40:2

Y'n kynsa dydh a'n kynsa mis ty a dhrehav tabernakel tylda an kuntelles.