Ezekiel 4:16 - An Bibel Kernewek 20234 (Kernewek Kemmyn)

¹⁶ Ena yn-medh ev dhymm, A vab den, awottavy ow terri lorgh bara yn Yerusalem; i a dheber bara orth poes ha gans preder, hag i a yv aga musur a dhowr gans desper;

Ezekiel 4:16 ပူးပေါင်းရင်းမြစ်များ

2 Myghternedh 25:3

Yn nawves dydh an peswora mis an divoetter eth ha bos mar sevur ma nag esa boes rag bobel an tir.

2 Myghternedh 6:25

Yth esa divoetter bras yn Samaria hag yth esens ow kul an esedhva warnedhi bys may feu penn asen gwerthys a beswar-ugens bath a arghans, ha kwarter kab a gawgh kelemmi a bymp bath a arghans.

Salmow 105:16

Hag ev a elwis esow war an tir, ha terri pub lorgh a vara.

Salmow 60:3

Ty re dhiskwedhas dhe'th pobel taklow kales; ty re wrug dhyn ni eva gwin a benn-dro.

Ysay 3:1

Rag otta, an Arloedh, Arloedh an luyow, a gemmer yn-mes dhiworth Yerusalem ha Yuda skoedhyans ha lorgh, oll skoedhyans a vara, hag oll skoedhyans a dhowr,

Yeremia 52:6

Y'n nawves dydh a'n peswora mis an divoetter o mar sevur y'n sita ma nag esa boes rag pobel an tir.

Kynvannow 1:11

Hy fobel oll a gyn hag i ow hwilas bara; i a werth aga thresoryow rag boes may hwrellons dh'aga horf dasvewa. ‘Gwel, A Arloedh, ha mir, rag dispresys ov vy.’

Kynvannow 5:4

Ni re evas agan dowr a bris arghans; agan keunys a dheu dre varghadoryon.

Kynvannow 5:9

Ni a gyv agan bara yn peryll a'gan bewnans, drefenn an kledha y'n difeythtir.

Ezekiel 14:13

Mab den, pan wra pow pegha er ow fynn ow pos dislel, ha my a ystynn ow leuv er y bynn ha terri y lorgh bara, ha dannvon ynno divoetter, ha treghi dhe-ves dhiworto den ha best;

Ezekiel 4:15

Ena ev a leveris dhymm, ‘Mir, my a re dhis glos yn le kawgh denel, ha ty a wra dha vara warnodho.’

Ezekiel 5:16

Pan dhannvonav an tebel sethow a dhivoetter er agas pynn rag distruyans, my a's tannvon dh'agas distrui. My a ynkress divoetter warnowgh ha terri agas lorgh bara.

Levitikus 26:26

Ha pan wrylliv vy terri gwelenn agas bara, deg benyn a wra pobas agas bara yn unn forn, hag i a dhaskorr dhywgh agas bara orth poes, ha hwi a'n deber ha ny vydh lowr ragowgh.

Amos 4:8

ytho diw sita po teyr a wandras dhe gen sita dhe eva dowr, heb bos disyghys; byttegyns ny dhehwelsowgh dhymm, yn-medh an Arloedh.

Diskwedhyans 6:5

Ha pan igoras an tressa sel, my a glewas an tressa kreatur bew ow leverel, ‘Deus.’ Ha my a welas hag otta, margh du, ha neb o esedhys warnodho ow synsi mantol yn y dhorn.