Ezekiel 4:14 - An Bibel Kernewek 20234 (Kernewek Kemmyn)

¹⁴ Ena my a leveris, ‘Ogh Arloedh Duw, otta, ny veu ow enev defolys, ha karynyes ha kig skwardys gans bestes gwyls ny dhybris a-dhia'm yowynkneth bys lemmyn, ha kig avlan ny dheuth y'm ganow.’

Ezekiel 4:14 ပူးပေါင်းရင်းမြစ်များ

Eksodus 22:30

Ty a wra yndellma ynwedh gans dha oghen ha gans dha dheves: seyth dydh y fydh gans y vamm; y'n ethves dydh ty a wra y ri dhymm.

Eksodus 22:31

Hwi a vydh gwer sakrys dhymm; yndellma ny wrewgh dybri kig vyth yw skwardys gans bestes an gwel; hwi a'n tewl dhe'n keun.

Ysay 65:4

usi owth esedha yn mysk an bedhow, hag ow koelya dres nos yn tylleryow kevrin; usi ow tybri kig mogh, hag yma kowl avlan yn aga lestri.

Ysay 66:17

An re a omsaker hag omlanhe dhe vos bys y'n lowarthyow, ow siwya nebonan y'n kres, ow tybri kig an mogh, ha'n dra gasadow, ha'n logosenn, a dheu dhe dhiwedh war-barth, yn-medh an Arloedh.

Yeremia 1:6

Ha my a leveris, ‘Ogh Arloedh DUW, otta, ny wonn kewsel, rag yowynk ov.’

Ezekiel 20:49

Ena yn-medhav, ‘Ogh, Arloedh Duw, ymons ow leverel dhymm, “A nyns usi ow leverel parabolennow?” ’

Ezekiel 4:15

Ena ev a leveris dhymm, ‘Mir, my a re dhis glos yn le kawgh denel, ha ty a wra dha vara warnodho.’

Ezekiel 44:31

Ny dheber an oferysi travyth a verwis a'y honan, na preydh skwardys gans edhen na best.

Ezekiel 9:8

Pan esons ow kweskel, ha my gesys ow honan, my a goedhas war ow fas ha garma, ha leverel, ‘Ogh Arloedh Duw! A dhiswredh oll remenant Ysrael, ha ty ow tiveri dha gonnar war Yerusalem?’

Daniel 1:8

Mes Daniel a erviras yn y golonn na omdhefolsa gans boes an myghtern, na gans an gwin a wre y eva; ytho ev a wovynnas kummyas dhiworth penn an spadhesigyon ma na omdhefolla.

Levitikus 17:15

Ha pub den a dheppro karyn po neppyth re beu skwardys gans bestes gwyls, genesik po alyon kyn fo, ev a wolgh y dhillas hag omvadhya yn dowr, hag ev a vydh avlan bys y'n gorthugher, hag ena glan vydh ev.

Levitikus 19:7

Ha mars yw dybrys an tressa dydh, avlan yw; nyns yw kemmeradow.

Levitikus 22:8

Ny wra dybri an pyth a verow y honan, po yw skwardys gans bestes gwyls. Ny dheber hemma, owth omdhefola dredho. An Arloedh ov vy.

Oberow 10:14

Mes yn-medh Peder, ‘Kamm na yll bos, Arloedh, drefenn na dhybris vy bythkweth travyth kemmyn nag avlan.’

Dewteronomi 14:21

Ny dhebrowgh karyn vytholl. Ty a yll y ri dhe'n alyon usi a-ji dhe'n yetys hag ev a'n deber; po ty a yll y wertha dhe estren, rag ty dhe vos pobel sans dhe'n Arloedh dha Dhuw. Ny wre'ta bryjyon mynn yn leth y vamm.

Dewteronomi 14:3

Ny dhybrydh travyth vil.