Ezekiel 39:22 - An Bibel Kernewek 20234 (Kernewek Kemmyn)

²² Ha chi Ysrael a woer, my dhe vos an Arloedh aga Duw, a'n jydh na hag yn-rag.

Ezekiel 39:22 ပူးပေါင်းရင်းမြစ်များ

Yeremia 24:7

Ha my a re kolonn dhedha dhe'm aswonn, ow bos an Arloedh; hag i a vydh ow fobel, ha my a vydh aga Duw, rag i a dhehwel dhymm gans oll aga holonn.

Ezekiel 39:28

Ena i a woer my dhe vos an Arloedh aga Duw, rag my dh'aga dannvon yn divroedh yn mysk an kenedhlow; hag ena my a's kuntellas yn aga thir aga honan, heb gasa nagonan anedha ena.

Ezekiel 39:7

My a wra dhe'm hanow sans bos aswonnys yn mysk ow fobel Ysrael; ha ny asav ow hanow sans dhe vos defolys na fella; ha'n kenedhlow a woer my dhe vos an Arloedh, an Sans yn Ysrael.

Ezekiel 34:30

Ena i a woer my, an Arloedh aga Duw, dhe vos gansa, hag i, chi Ysrael, dhe vos ow fobel, yn-medh an Arloedh Duw.

Ezekiel 28:26

I a drig ynno yn sawder, ha drehevel chiow, ha plansa gwinlannow; i a drig yn sawder pan wrav breusow war oll aga hentrevogyon a's dispres. Ena i a woer my dhe vos an Arloedh aga Duw.

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Salmow 9:16

Aswonnys yw an Arloedh, ev re wrug breus; an tebelwas yw maglennys gans ober y dhiwleuv y honan. Higgayon. Sela.

Ezekiel 39:23

Ha'n kenedhlow a woer, chi Ysrael dhe vos yn kethneth drefenn aga drogobereth, rag i dhe vos dislel dhymm. Ytho my a gudhas ow fas dhiworta, ha'ga ri yn leuv aga eskerens, hag i oll a goedhas der an kledha.