Ezekiel 39:18 - An Bibel Kernewek 20234 (Kernewek Kemmyn)

¹⁸ Hwi a dheber kig gwer alloesek, hag eva goes pennsevigyon an nor, hordhes, eyn, gever, terewi, i oll bestes peskys a Bashan.

Ezekiel 39:18 ပူးပေါင်းရင်းမြစ်များ

Salmow 22:12

Terewi pals re dheuth y'm kyrghynn, terewi krev a Bashan a omsett a-dro dhymm;

Salmow 68:30

Keredh goedhvil an kors, gre an terewi, gans leughi an poblow a stankyas yn-dann dreys an temmyn a arghans; skatter an poblow a lowenha yn bresel.

Ysay 34:6

Yma dhe'n Arloedh kledha; lenwys yw a woes, gwalghys yw a vlonek, a woes eyn ha gever, a vlonek diwloneth hordhes; drefenn bos sakrifis dhe'n Arloedh yn Bosra ha ladhva vras yn pow Edom.

Ysay 34:7

Bualyon a goedh gansa, ha lodhnow gans terewi. Aga thir a yv goes lowr, ha'ga doust a vydh gwlyghys a vlonek.

Yeremia 46:5

Prag y's gwelis dyegrys ha treylys war-dhelergh? Aga breselyoryon yw gweskys, ha re fias yn fisten, heb mires war-dhelergh; yma euth a bub tu, yn-medh an Arloedh.

Yeremia 50:11

Drefenn hwi dhe lowenhe, drefenn hwi dhe vos fest heudhik, hwi dhistruoryon ow ertach, kyn terlemmowgh avel denewes y'n aswels, ha kryghias avel mergh krev,

Yeremia 50:27

Ledhewgh oll hy lodhnow, gesewgh i dhe vones yn-nans dhe'n ladhva. Go-i, aga dydh yw devedhys, termyn aga hessydhyans!

Yeremia 51:40

My a's dre dhe'n leur avel eyn dhe'n ladhva, avel hordhes ha boghes.

Ezekiel 29:5

My a'th as, tewlys y'n difeythtir, ty hag oll puskes dha avonyow. Ty a goedh war an gwel, ha ny vydhydh kuntellys nag ynkleudhys. My a'th re dhe vestes an gwel ha dhe ydhyn an nev rag boes.

Ezekiel 34:17

Ha hwi, ow deves, yndellma y lever an Arloedh Duw: Ottavy ow preusi ynter unn dhavas ha davas arall, yntra hordhes ha boghes.

Ezekiel 34:8

Dell vewav, yn-medh an Arloedh Duw, drefenn bos ow deves preydh, ha drefenn bos ow deves boes dhe bub best an gwel, heb bugel, ha ny wrug ow bugeledh hwilas ow deves, mes an vugeledh a vagas aga honan, heb maga ow deves,

Ezekiel 39:19

Hwi a dheber blonek bys pan vydhowgh lenwys, hag eva goes bys pan vydhowgh medhow, orth an sakrifis a wrav ragowgh.

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Dewteronomi 32:14

leth kowlys a vughes ha leth a dheves, gans blonek eyn, ha hordhes megys yn Bashan, ha gever, gans an gwella gwaneth, hag a woes grappys ty a evas gwin ewynek.

Diskwedhyans 19:21

Ha'n re erell a veu ledhys gans an kledha a dheuth dhiworth an ganow a neb esa owth esedha war an margh, an kledha a dheuth dhiworth y anow; hag oll an ydhyn a veu lenwys a'ga hig.