Ezekiel 39:17 - An Bibel Kernewek 20234 (Kernewek Kemmyn)

¹⁷ Mes ty, A vab den, yndellma y lever an Arloedh Duw: Kows dhe ydhyn a bub eghenn, ha dhe oll an bestes gwyls: Omguntellewgh ha dos; dewgh war-barth a bub tu dhe'm sakrifis a wrav ragowgh, sakrifis bras, war venydhyow Ysrael, ha hwi a dheber kig hag eva goes.

Ezekiel 39:17 ပူးပေါင်းရင်းမြစ်များ

Sefania 1:7

Taw yn lok an Arloedh Duw: rag ogas yw dydh an Arloedh. Rag an Arloedh re bareusis sakrifis, ev re sanshas y westoryon.

Ezekiel 39:4

Ty a goedh war venydhyow Ysrael, ty hag oll dha luyow, ha'n poblow eus genes; my a'th re dhe ydhyn-preydh a bub eghenn ha dhe'n bestes gwyls avel boes.

Yeremia 12:9

Ow ertach yw dhymm avel edhen-breydh vrith, yma an ydhyn-preydh erell a-dro er hy fynn; dewgh, kuntellewgh oll bestes an mes, dens i dhe dhevorya.

Ysay 34:6

Yma dhe'n Arloedh kledha; lenwys yw a woes, gwalghys yw a vlonek, a woes eyn ha gever, a vlonek diwloneth hordhes; drefenn bos sakrifis dhe'n Arloedh yn Bosra ha ladhva vras yn pow Edom.

Ysay 56:9

Oll hwi bestes an gwel, oll hwi miles y'n gwylvos, dewgh dhe dhybri.

Yeremia 46:10

Rag hemm yw dydh an Arloedh, Duw an luyow, dydh a dhial, dhe dyli dial war y eskerens. An kledha a dhevor hag a vydh gwalghys, ha medhwys gans aga goes. Rag an Arloedh, Duw an luyow, a'n jeves sakrifis yn tir an gogledh ryb an avon Ewfrates.

Ysay 18:6

I a vydh gesys war-barth rag ydhyn-preydh an menydhyow ha rag bestes an tir; an ydhyn a spen an hav warnedha hag oll bestes an tir a spen an gwav warnedha.

1 Samuel 17:46

Y'n jydh hedhyw an Arloedh a wra dha dhelivra y'm leuv, ha my a'th wysk dhe'n leur ha treghi dhe-ves dha benn; ha my a re korfow marow lu an Filistysi y'n jydh hedhyw dhe ydhyn an ayr ha dhe vestes an dor, may hwodhvo oll an norvys bos Duw yn Ysrael,

1 Samuel 16:3

Ha galw Yesse dhe'n sakrifis, ha my a dhiskwa dhis an pyth dhe wul; ha ty a wra untya ragov ev neb a dhiskwedhav dhis.’

1 Samuel 9:13

Kettell dhewgh a-bervedh y'n sita, hwi a'n kyv, kyns ev dhe vones yn-bann dhe'n tyller ughel dhe dhybri. Rag ny vynn an bobel dybri erna dheffo, drefenn ev dhe venniga an sakrifis; ha wosa henna an re neb yw gelwys a dheber. Ha lemmyn kewgh yn-bann, rag a-dro dhe'n termyn ma hwi a'n kyv.’

Jenesis 31:54

Ena Yakob a wrug sakrifis war an menydh ha gelwel y vreder dhe dhybri bara, hag i a dhybris bara ha gortos dres nos war an menydh.

Matthew 24:28

Pyle pynag a vo an korf marow, ena yth omguntell an eryon.

Ysay 34:7

Bualyon a goedh gansa, ha lodhnow gans terewi. Aga thir a yv goes lowr, ha'ga doust a vydh gwlyghys a vlonek.

Yeremia 25:33

An re ledhys gans an Arloedh a vydh y'n jydh na a'n eyl penn an nor bys y'n penn arall. Ny vydh kynvann ragdha, ha ny vydhons kuntellys na ynkleudhys; i a vydh kawgh war enep an nor.

Ezekiel 39:16

Hag y fydh sita ena ynwedh, henwys Hamona. Yndella i a lanha an tir.

Ysay 29:2

Mes stroetha Ariel my a wra, hag y fydh oelva ha kynvann, ha hi a vydh dhymmo vy avel oeles alter.

Ezekiel 29:5

My a'th as, tewlys y'n difeythtir, ty hag oll puskes dha avonyow. Ty a goedh war an gwel, ha ny vydhydh kuntellys nag ynkleudhys. My a'th re dhe vestes an gwel ha dhe ydhyn an nev rag boes.