Ezekiel 38:4 - An Bibel Kernewek 20234 (Kernewek Kemmyn)

⁴ My a'th treyl a-dro ha gorra higow y'th tiwen, ha'th tri yn-mes gans oll dha lu, mergh ha marghogyon, i oll gwiskys yn arvwisk leun, kowethas bras, i oll gans boklers ha skoesow, i oll ow synsi kledhedhyow.

Ezekiel 38:4 ပူးပေါင်းရင်းမြစ်များ

2 Myghternedh 19:28

Rag ty dhe gonneri er ow fynn ha'th valghder dhe dhos dhe'm diwskovarn, my a worr ow hig y'th troen, ha'm genva y'th tiwweus, ha my a wra dhis dehweles war an fordh may teuthys warnedhi.

1 Kroniklys 12:8

Rann an Gadysi a gildennas dhe Davydh y'n dinas y'n gwylvos. I o kasoryon alloesek ha dyskys yn batel, konnyk gans skoes ha guw. Aga fas o kepar ha fas lewyon hag i o mar skav avel gavrewiges war an menydhyow.

2 Kroniklys 25:5

Amasia a guntellas pobel Yuda, ha'ga gorra herwydh chi aga thasow yn-dann gaptenyon milyow ha kaptenyon kansow rag oll Yuda ha Benyamin. Ev a guntellas an re a ugens bloedh aga oes ha moy hag a gavas i dhe vos tri hans mil, kasoryon dhewisys gwiw rag bresel, gans an galloes dhe handla guw ha skoes.

Ysay 37:29

Rag ty dhe gonneri er ow fynn ha'th valghder dhe dhos dhe'm diwskovarn, my a worr ow hig y'th troen, ha'm genva y'th tiwweus, ha my a wra dhis dehweles war an fordh may teuthys warnedhi.

Ysay 43:17

neb a dhro yn-mes charett ha margh, lu ha kasor war-barth; i a wrowedh, ny yllons sevel yn-bann, megys yns, avel bubenn dhifeudhys:

Yeremia 46:9

Yn-rag, hwi vergh, ha fyski yn fuskok, hwi jarettow! Gas an vreselyoryon dhe vos yn-rag: gwer Ethiopia ha Put hag a dheg an skoes, gwer Lud hag a denn an warak.

Ezekiel 23:12

Hi o hwansek dhe vebyon Assyria, governours ha kaslewydhyon, breselysi dillasys yn splann, marghogyon ow marghogeth war vergh, i oll gwer yowynk desiradow.

Ezekiel 29:4

Mes my a worr higow y'th tiwen ha gul dhe buskes dha avonyow glena orth dha skans. My a'th tre yn-bann yn-mes a'th avonyow, gans oll puskes dha avonyow ow klena orth dha skans.

Ezekiel 38:15

ha dos dhiworth dha dyller y'n gledhbarth pell, ty ha lies pobel genes, i oll ow marghogeth war vergh, ost bras, ha lu krev.

Ezekiel 38:3

ha lavar: Yndellma y lever an Arloedh DUW: Otta, yth esov er dha bynn, A Gog, chyf pennsevik Meshek ha Tubal.

Ezekiel 39:2

my a'th treyl a-dro ha'th tenna yn-rag, ha'th tri yn-bann dhiworth penn pella an gledhbarth, ha'th hembronk erbynn menydhyow Ysrael.

Ezekiel 39:20

Ha hwi a vydh lenwys orth ow moes a vergh ha marghogyon, a wer grev ha kasoryon a bub eghenn, yn-medh an Arloedh.

Daniel 11:40

‘Orth prys an diwedh, y hwra myghtern an dhyghowbarth omsett er y bynn; mes myghtern an gledhbarth a dheu er y bynn avel korwyns, gans charettow, ha gans marghogyon, ha gans lies gorhel. Ev a enter yn tiryow, ha tremena avel liv.

Amos 4:2

An Arloedh Duw re dos ren y sansoleth: Otta dydhyow a dheu warnowgh ma'gas kemmerons dhe-ves gans kerdyn, ha'n diwettha ahanowgh gans higennow-pysk.