Ezekiel 38:19 - An Bibel Kernewek 20234 (Kernewek Kemmyn)

¹⁹ Y'm avi hag y'm sorrvann my a dheklar: Y'n jydh na y fydh dorgrys bras war diredh Ysrael.

Ezekiel 38:19 ပူးပေါင်းရင်းမြစ်များ

Diskwedhyans 16:20

Ha pub ynys a fias, ha ny veu kevys an menydhyow.

Diskwedhyans 16:18

Hag yth esa lughesennow ha sonyow ha taranow hag yth esa dorgrys bras a sort na hwarva a-ban veu tus war an nor, mar vras veu an dorgrys.

Diskwedhyans 11:13

Hag y'n keth eur y feu dorgrys bras ha'n degves rann a'n sita a goedhas, hag y'n dorgrys seyth mil dhen a veu ledhys, ha'n re erell a veu dyegrys ha ri gordhyans dhe Dhuw nev a wrussons i.

Ebrowyon 12:26

Ena y lev a wrug dhe'n dor krena; mes lemmyn ev re ambosas, ow leverel, ‘Unnweyth moy ny wrav unnsel an nor dhe dhegrena mes an nev ynwedh.’

Yoel 3:16

An Arloedh a vedhygel dhiworth Sion, ha dhiworth Yerusalem ev a ri y lev; ha'n nevow ha'n norvys a gren, mes an Arloedh yw skovva rag y bobel ha kastell rag mebyon Ysrael.

Ezekiel 5:13

Ena ow sorr a vydh kowlwrys, ha'm konnar er aga fynn a wrav dhe bowes, ha my a vydh diellys; hag i a woer my, an Arloedh, dhe gewsel y'm avi, pan wrav vy kowlwul ow honnar er aga fynn.

Zekaria 1:14

Ena an el esa ow kewsel orthiv a leveris dhymm, Kri, ow leverel: Yndellma y lever Arloedh an luyow: Avi bras a'm beus a-barth Yerusalem ha Sion,

Yoel 2:18

Ena y hwra an Arloedh perthi avi orth y dir, ha kemmeres pita a'y dus.

Ezekiel 39:25

Rakhenna yndellma y lever an Arloedh Duw: Lemmyn my a dreyl kethneth Yakob ha kemmeres truedh war oll chi Ysrael; ha my a vydh avius rag ow hanow sans.

Ysay 42:13

An Arloedh a yn-mes avel gour krev, avel kasor y tifun ev y gonnar, ev a gri, ev a arm yn ughel, ev a dhiskwedh y nerth erbynn y eskerens.

Salmow 18:7

Ena an nor a grenas ha kryghylli; ha selyow an menydhyow a grysyas ha krena, rag y vos serrys.

Dewteronomi 29:20

an Arloedh ny vynn gava dhodho; ena sorr an Arloedh ha'y avi a dhyllo mog erbynn an gour na, hag oll an volleth yw skrifys y'n lyver ma a wrowedh warnodho, ha'n Arloedh a dhefend y hanow a-dhann nev.

Ebrowyon 12:29

rag agan Duw yw tan a gowllesk.

Dewteronomi 32:22

Rag tan re dhewis dre'm sorr ha leski a wra bys yn downderyow ifarn; ev a dheber an dor ha'y askorr, hag enowi gans tan selyow an menydhyow.

Salmow 18:8

Mog a yskynnas mes a'y dhewfrik, ha tan a'y anow, ow tevorya; kolennow a dardhas yn flammow a-dhiworto.

Salmow 79:5

Pygemmys prys, A Arloedh? A vydhydh serrys bynitha? A lesk dha avi avel tan?

Ysay 42:15

My a wra menydhyow ha breow difeyth, ha sygha aga erbys oll; my a dreyl an avonyow dhe ynysow, ha sygha an pollow.

Ezekiel 36:5

rakhenna yndellma y lever an Arloedh Duw: Sur yn tan ow avi my re gewsis erbynn remenant an kenedhlow, hag erbynn oll Edom a gemmeras ow thir dhedha aga honan rag eretons gans joy yn aga holonn ha despit yn aga brys, rag may fe hy feurva preydh.

Ezekiel 36:6

Rakhenna, profoes a-dro dhe bow Ysrael, ha lavar dhe'n menydhyow, dhe'n brennow, dhe'n goverow, ha dhe'n nansow, Yndellma y lever an Arloedh Duw, Otta, my re gewsis y'm avi hag y'm sorrvann, rag hwi dhe berthi skorn an kenedhlow.

Ezekiel 39:6

My a dhannvon tan war Magog ha war an re trigys yn sawder y'n ynysow; i a woer my dhe vos an Arloedh.

Nahum 1:2

An Arloedh yw Duw neb a berth avi, hag a gemmer dial; dialor yw an Arloedh ha meur y sorr; an Arloedh a gemmer dial war y eskerens, hag ev a with y sorr erbynn y envi.