Ezekiel 38:13 - An Bibel Kernewek 20234 (Kernewek Kemmyn)

¹³ Y lever dhis Sheba ha Dedan, ha marchons Tarshish, hag oll hy gwikoryon, ‘A dheuthys dhe gemmeres preydh? A guntellsys dha lu dhe bylla, dhe dhoen dhe-ves arghans hag owr, dhe gemmeres chatel ha gwara, ha dhe gemmeres meur a breydh?’

Ezekiel 38:13 ပူးပေါင်းရင်းမြစ်များ

Salmow 57:4

Yma ow enev yn mysk lewyon; ha my a wrowedh yn mysk tus ow flammya gans sorr; aga dyns yw guwow ha sethow, ha'ga thaves yw kledha lymm.

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Ysay 33:23

Dha lovanweyth a greg lows, ny yllons synsi fast sel aga gwern, na gwitha an goel lesys yn-mes. Ena preydh pals a vydh kevrennys; hwath evredhyon a yll pylla.

Yeremia 15:13

Dha gevoeth ha'th tresoryow a rov avel preydh heb kost, rag oll dha beghosow, dres oll dha diredh.

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Yeremia 51:38

Avel lewyon yowynk i a us war-barth; i a romm avel kelyn lewyon.

Ezekiel 25:13

rakhenna yndellma y lever an Arloedh Duw, My a ystynn ow leuv erbynn Edom, ha treghi dhiworto den ha best; ha my a'n gwra tyller a vagoryow; dhiworth Teman bys Dedan i a goedh der an kledha.

Ezekiel 27:12

Tarshish o dha gowethyas yn kenwerth, drefenn oll dha rychys a bub eghenn; i a geschanjyas arghans, horn, sten, ha plomm rag dha wara.

Ezekiel 27:15

Mebyon Dedan o dha varchons; yth esa lies arvor ow kenwertha genes; i a dhri dhis dans-olifans hag eboni avel trubyt.

Ezekiel 27:20

Dedan o dha varchont yn pallennow-diber rag marghogeth.

Ezekiel 27:25

Yth esa gorholyon Tarshish ow karya dha wara. Ty o leun ha kargys pur boes yn kolonn an moryow.

Ezekiel 32:2

Mab den, kemmer kynvann yn-bann rag Faro myghtern Ejyp, ha lavar dhodho, Ty yw avel lew yowynk yn mysk an kenedhlow, ha ty yw avel euthvil y'n moryow, ow lemmel a-dro y'th avonyow, ow tervyska an dowrow gans dha dreys, hag ow stronka aga avonyow.

Yoel 3:8

Ha my a werth agas mebyon ha'gas myrghes yn diwleuv mebyon Yuda, hag i a wra agas gwertha dhe'n Sabeanys, dhe genedhel pell; rag yndellma an Arloedh re gewsis.

Zekaria 11:3

Yma son oulyans an vugeledh, a-ban veu shyndys aga splannder. Yma son bedhygla an lewyon yowynk, rag bos shyndys meuredh an Yordan.