Ezekiel 38:12 - An Bibel Kernewek 20234 (Kernewek Kemmyn)

¹² dhe gemmeres preydh ha dhe bylla, dhe dreylya dha leuv erbynn an difeythtir yw annedhys lemmyn, hag erbynn an bobel kuntellys dhiworth an kenedhlow, usi ow kavoes chatel ha gwara, trigys yn kres an tir.

Ezekiel 38:12 ပူးပေါင်းရင်းမြစ်များ

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Yeremia 30:16

Ytho oll an re a'th tevor a vydh devorys, ha'th eskerens, peub anedha a wra mos yn divroedh; an re a'th pyll a vydh pyllys, hag oll an re a breydh warnas my a wra preydh.

Ezekiel 29:19

Rakhenna yndellma y lever an Arloedh Duw: Awottavy ow ri pow Ejyp dhe Nebukadnessar myghtern Babylon; ev a dheg hy rychys dhe-ves, ha kemmeres hy freydh, ha'y fylla; y fydh gober y lu.

Ezekiel 38:8

Wosa lies dydh y fydhydh gelwys. Yn blydhynyow a dheu yth edh erbynn tir yw restorys wosa bresel, gans lies pobel kuntellys war venydhyow Ysrael, hirneth re bia difeyth; y bobel a veu dres yn-mes dhiworth an poblow, ha lemmyn i oll yw trigys yn sawder.

Amos 1:8

Terri a wrav an annedhyas dhiworth Ashdod, ha'n den a syns an welenn dhiworth Ashkelon, ha my a dreyl ow dorn erbynn Ekron; ha remenant an Filistysi a dhe goll, yn-medh an Arloedh Duw.

Zekaria 1:12

Hag el a'n Arloedh a worthybis, ‘Arloedh an luyow, pes termyn ny gemmerydh truedh a Yerusalem hag a sitys Yuda, may serrsys orta an deg blydhen ha tri-ugens ma?’

Zekaria 1:17

Kri arta ow leverel, Yndellma y lever Arloedh an luyow: Ow sitys a wra fenna arta gans dader, ha'n Arloedh a wra konfortya Sion arta, hag arta ev a dhewis Yerusalem.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Breusysi 9:37

Gaal a gewsis arta hag a leveris, ‘Otta, yma tus ow tos yn-nans a gres an tir, hag yma unn para ow tos war fordh derwenn an goelyogyon.’