Ezekiel 38:11 - An Bibel Kernewek 20234 (Kernewek Kemmyn)

¹¹ Ty a lever, ‘Yth av yn-bann erbynn tir a drevow heb fosow; my a dheu erbynn an dus kosel, trigys yn sawder, i oll trigys heb fosow, heb barrys na yetys dhedha’,

Ezekiel 38:11 ပူးပေါင်းရင်းမြစ်များ

Salmow 10:9

Ev a gontrewayt y'n gudhva avel lew yn fow; ev a gontrewayt rag may talghenno an boghosek, ev a dhalghenn an boghosek orth y denna yn y roes.

Eksodus 15:9

‘An eskar a leveris, “My a wra siwya, my a wra tremena, my a rann an preydh, ow hwans a vydh lenwys gansa. My a denn ow kledha, ow dorn a wra aga distrui.”

Ezekiel 30:9

Y'n jydh na kannasow a yn-mes dhiworthiv yn gorholyon dhe ownekhe Ethiopia dhibreder, hag y fydh kren ynna yn dydh Ejyp, rag otta, ev a dheu.

Ezekiel 34:27

Gwydh an gwel a re aga froeth, ha'n tir a re y askorr. I a vydh saw yn aga thir; hag i a woer my dhe vos an Arloedh, pan dorrav barrys a'ga yew, ha'ga sawya dhiworth leuv an re a's kethhas.

Ezekiel 38:14

Rakhenna, profoes, A vab-den, ha lavar dhe Gog: Yndellma y lever an Arloedh Duw: Y'n jydh na pan eus ow fobel Ysrael trigys yn sawder, ty a dhifun,

Ezekiel 38:8

Wosa lies dydh y fydhydh gelwys. Yn blydhynyow a dheu yth edh erbynn tir yw restorys wosa bresel, gans lies pobel kuntellys war venydhyow Ysrael, hirneth re bia difeyth; y bobel a veu dres yn-mes dhiworth an poblow, ha lemmyn i oll yw trigys yn sawder.

Zekaria 2:8

Rag yndellma y leveris Arloedh an luyow, wosa y wolewder dhe'm dannvon dhe'n kenedhlow a wrug agas pylla; rag piwpynag a wrello agas tochya a doch bew y lagas.

Romanyon 3:15

Skav yw aga threys dhe skoellya goes,

Dewteronomi 12:10

Mes pan dreusowgh an Yordan ha triga y'n tir a wra an Arloedh agas Duw y ri dhywgh dh'y erita, ha pan re powes dhywgh dhiworth oll agas eskerens a-derdro, hwi a drig yn sawder.

Breusysi 18:27

An Danysi a gemmeras an pyth a wrussa Mika, war-barth ha'n oferyas o dhodho, hag i a dheuth dhe Laish, dhe bobel gosel ha digeudh, hag i a's weskis gans an kledha hag a loskas an sita.

Breusysi 18:7

An pymp gour eth yn-rag, ha pan dheuthons dhe Laish, i a welas an bobel esa ena ow pewa gans diagha herwydh gis tus Sidon, kosel ha digeudh, heb edhomm a dravyth war an norvys, ha dhedha rychys. Pell vons a dus Sidon, ha ny's teva kevrenn gans denvyth.