Ezekiel 37:9 - An Bibel Kernewek 20234 (Kernewek Kemmyn)

⁹ Ev a leveris dhymm, ‘Profoes dhe'n anall, gwra profoesa, A vab den, ha lavar dhe'n anall: Yndellma y lever an Arloedh Duw: Deus dhiworth an peswar gwyns, A anall, hag anella war an dus ledhys ma, may fons bew.’

Ezekiel 37:9 ပူးပေါင်းရင်းမြစ်များ

Salmow 104:30

Ty a dhyllo dha anall ha formys yns i, ha ty a nowydhha enep an nor.

An Gan a Ganow 4:16

Difun, A wyns an gogledh, ha deus, A wyns an dyghow! hwyth war ow lowarth, dhe lesa y spisys. Des ow haradow dh'y lowarth, ha dybri y frut dentethyel.

Ezekiel 37:14

Ha my a worr ow spyrys ynnowgh, ha hwi a vew, ha my a'gas sett yn agas tiredh agas honan. Ena hwi a woer my, an Arloedh, dhe gewsel, ha my a'n kollenow’, yn-medh an Arloedh.

Ezekiel 37:4

Ev a leveris dhymm, ‘Gwra profoesa war an eskern ma, ha lavar dhedha: A hwi eskern sygh, klewewgh ger an Arloedh.

Ezekiel 37:5

Yndellma y lever an Arloedh Duw dhe'n eskern ma: Otta, my a dhre anall ynnowgh, ha hwi a vew.

Ezekiel 37:8

My a viras, hag otta giow ha kig a dheuth yn-bann warnedha, ha kneus a's kudhas a-wartha, saw ynna nyns esa anall.

Daniel 11:4

Ha kettell sev, y ruvaneth a vydh terrys ha rynnys dhe'n peswar gwyns a nev; ny vydh res dh'y dhiyskynnysi, na herwydh an galloes dredho may rewlyas ev, rag y ruvaneth a vydh diwreydhys, ha res dhe gen re.

Hosea 13:14

My a's daspren dhiworth leuv ifarn; my a's delirv dhiworth ankow. Ple'mons dha blagys, A ankow? Ple'ma dha vros, A ifarn? Truedh a vydh kudhys dhiworth ow dewlagas.

Zekaria 6:5

An el a worthybis dhymm, ‘An re ma yw an peswar gwyns a nev esa ow mos yn-mes dhiworth aga savla a-rag Arloedh oll an norvys.

Yowann 3:8

An gwyns a hwyth le may fynno ha ty a glew y son, mes ny wodhes a-ble teu na ple'th a; yndella yw peub neb yw genys dhiworth an Spyrys.’

Diskwedhyans 10:11

Hag i a leveris dhymm, ‘Y koedh dhis profoesa arta a-dro dhe lies pobel ha kenedhel, ha taves, ha myghtern.’

Diskwedhyans 11:11

Ha wosa tri dydh ha hanter, spyrys bewnans a Dhuw eth a-bervedh ynna hag i a sevis war aga threys hag own bras a goedhas war an re a's gwelas.