Ezekiel 37:6 - An Bibel Kernewek 20234 (Kernewek Kemmyn)

⁶ Ha my a worr warnowgh giow, ha gul kig dhe devi warnowgh, ha'gas kudha gans kneus; ha my a worr ynnowgh anall ha hwi a vew. Ena hwi a woer my dhe vos an Arloedh.’

Ezekiel 37:6 ပူးပေါင်းရင်းမြစ်များ

Jenesis 2:7

an Arloedh Duw a formyas mab-den mes a dhoust an dor ha hwytha yn y dhewfrik anall bewnans, ha den eth ha bos enev bew.

1 Myghternedh 20:28

Gour Duw a dheuth ha leverel dhe vyghtern Ysrael, ‘Yndellma y lever an Arloedh: Drefenn Aram dhe leverel, “An Arloedh yw Duw an menydhyow mes nyns yw Duw an nansow”, ytho my a re oll an routh veur ma y'th leuv, ha hwi a wodhvydh ow bos an Arloedh.’

Salmow 104:30

Ty a dhyllo dha anall ha formys yns i, ha ty a nowydhha enep an nor.

Eksodus 6:3

ha my a omdhiskwedhas dhe Abraham, dhe Ysak ha dhe Yakob avel Duw Ollgalloesek, mes der ow hanow vy, an Arloedh, nyns en vy aswonnys dhedha.

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ezekiel 11:10

Hwi a goedh der an kledha; yn oryon Ysrael my a'gas breus. Ena hwi a woer my dhe vos an Arloedh.

Ezekiel 11:12

Ena hwi a woer my dhe vos an Arloedh; rag ny gerdhsowgh y'm ordenansow, na ny wrussowgh ow breusow, mes hwi re wrug war-lergh breusow an kenedhlow esons a-dro dhywgh.’

Ezekiel 20:38

My a garth yn-mes ahanowgh an re usi ow rebellya hag offendya er ow fynn. My a's dre yn-mes dhiworth an pow mayth esons ow kodriga ynno; ny entrons a-berth yn pow Ysrael. Ena hwi a woer my dhe vos an Arloedh.

Ezekiel 32:15

Pan wrav dhe bow Ejyp bos ynyal, ha pan vydh an tir destryppys a'y lanwes, pan waskav oll an re usi trigys ynni, ena i a woer my dhe vos an Arloedh.

Ezekiel 34:27

Gwydh an gwel a re aga froeth, ha'n tir a re y askorr. I a vydh saw yn aga thir; hag i a woer my dhe vos an Arloedh, pan dorrav barrys a'ga yew, ha'ga sawya dhiworth leuv an re a's kethhas.

Ezekiel 35:12

Ha ty a woer y hwrugavy, an Arloedh, klewes oll dha vlasfemiow a gewssys erbynn menydhyow Ysrael, ow leverel, ‘Wastys yns; i re beu res dhyn dhe dhevorya.’

Ezekiel 35:15

Kepar dell lowenhasys erbynn eretons chi Ysrael, drefenn y vos ynyalder, yndella my a wra dha dhyghtya; ty a vydh ynyalder, menydh Seir, hag Edom kowal. Ena i a woer my dhe vos an Arloedh.

Ezekiel 35:9

My a'th wra ynyalder bys vykken, ha ny vydh dha sitys annedhys. Ena hwi a woer my dhe vos an Arloedh.

Ezekiel 37:14

Ha my a worr ow spyrys ynnowgh, ha hwi a vew, ha my a'gas sett yn agas tiredh agas honan. Ena hwi a woer my, an Arloedh, dhe gewsel, ha my a'n kollenow’, yn-medh an Arloedh.

Ezekiel 38:23

My a dhiskwedh ow meuredh ha'm sansoleth a-rag dewlagas lies kenedhel. Ena i a woer my dhe vos an Arloedh.

Ezekiel 39:22

Ha chi Ysrael a woer, my dhe vos an Arloedh aga Duw, a'n jydh na hag yn-rag.

Ezekiel 39:28

Ena i a woer my dhe vos an Arloedh aga Duw, rag my dh'aga dannvon yn divroedh yn mysk an kenedhlow; hag ena my a's kuntellas yn aga thir aga honan, heb gasa nagonan anedha ena.

Ezekiel 39:6

My a dhannvon tan war Magog ha war an re trigys yn sawder y'n ynysow; i a woer my dhe vos an Arloedh.

Ezekiel 6:13

Ena hwi a woer my dhe vos an Arloedh, pan vydh aga re ledhys yn mysk aga idolys a-dro dh'aga alteryow, war bub bronn ughel, war oll pennow an menydhyow, hag yn-dann bub gwydhenn las, hag yn-dann bub terebinthenn dhelyek, le may rosons ena sawer plegadow dhe oll aga idolys.

Ezekiel 6:7

An re ledhys a goedh yn agas mysk, ha hwi a woer my dhe vos an Arloedh.

Ezekiel 7:4

Ny gemmer ow lagas pita ahanas, ha ny'th sparyav, rag my a attal dhis drefenn dha fordhow, ha'th taklow kasadow a-berth ynnos. Ena hwi a woer my dhe vos an Arloedh.

Ezekiel 7:9

Ny gemmer ow lagas pita ahanas, na ny'th sparyav; my a attal dhis war-lergh dha fordhow, ha'th taklow kasadow usi a-berth ynnos. Ena hwi a woer my dhe vos an Arloedh, usi ow kweskel.

Yoel 2:27

Hwi a wodhvydh my dhe vos yn mysk Ysrael, ha my dhe vos an Arloedh agas Duw, ha nyns eus nahen. Ha ny wra ow fobel perthi meth bynitha.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Dewteronomi 29:6

Ny wrussowgh dybri bara nag eva gwin na korev, rag may hwodhvowgh ow bos vy an Arloedh agas Duw.