Ezekiel 37:4 - An Bibel Kernewek 20234 (Kernewek Kemmyn)

⁴ Ev a leveris dhymm, ‘Gwra profoesa war an eskern ma, ha lavar dhedha: A hwi eskern sygh, klewewgh ger an Arloedh.

Ezekiel 37:4 ပူးပေါင်းရင်းမြစ်များ

Yowann 5:25

‘Yn hwir, yn hwir y lavarav dhywgh, an eur a dheu, ha lemmyn yth yw, pan glew an re varow lev Mab Duw, ha neb a glew, bewa a wrons.

Matthew 21:21

Ha Yesu a worthybis ha leverel dhedha, ‘Yn hwir y lavarav dhywgh, mar pydh genowgh fydh heb hokya, ny wrewgh yn unnsel an dra gwrys dhe'n figbrenn, mes ynwedh mar leverewgh dhe'n menydh ma, “Ty bydh drehevys ha tewlys y'n mor”, henna a hwyrvydh;

Ezekiel 36:1

Ha ty, A vab den, profoes dhe venydhyow Ysrael, ha lever: Klewewgh ger an Arloedh.

Yeremia 22:29

A dor, dor, dor, klew ger an Arloedh.

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

Ezekiel 37:11

Ena yn-medh ev dhymm, ‘A vab den, an eskern ma yw chi Ysrael oll yn tien. Otta, i a lever, “Sygh yw agan eskern, ha kellys yw agan govenek. Treghys dhe-ves on ni.”

Yowann 2:5

Yn-medh y vamm dhe'n servysi, ‘Gwrewgh pypynag a lavarro dhywgh.’

Niverow 20:8

Kemmer an welenn, ha dri an kuntelles war-barth, ty hag Aron dha vroder, ha kewsewgh orth an garrek a-rag aga lagasow ha hi a re hy dowr; yndellma ty a dhre dowr yn-mes a'n garrek ragdha; yndellma ty a re diwes dhe'n kuntelles ha'ga chatel.

1 Myghternedh 13:2

Ev a grias erbynn an alter dre er an Arloedh, ha leverel. ‘A alter, alter, yndellma y lever an Arloedh: “Mab a vydh genys dhe ji Davydh, Yosia y hanow; hag ev a sakrifi warnas oferysi an tylleryow ughel a lesk offrynnow warnas, hag eskern denel a vydh leskys warnas.” ’

Ysay 42:18

Klewewgh, hwi neb yw bodhar, ha mirewgh, hwi neb yw dall, rag may hwellowgh.

Mika 6:2

Klewyewgh, hwi venydhyow, breus an Arloedh, ha hwi selyow krev an bys; rag an Arloedh a'n jeves ken erbynn y bobel ha strivya a wra gans Ysrael.

Diskwedhyans 10:11

Hag i a leveris dhymm, ‘Y koedh dhis profoesa arta a-dro dhe lies pobel ha kenedhel, ha taves, ha myghtern.’

Ezekiel 37:9

Ev a leveris dhymm, ‘Profoes dhe'n anall, gwra profoesa, A vab den, ha lavar dhe'n anall: Yndellma y lever an Arloedh Duw: Deus dhiworth an peswar gwyns, A anall, hag anella war an dus ledhys ma, may fons bew.’

Ezekiel 37:12

Rakhenna gwra profoesa ha leverel dhedha, Yndellma y lever an Arloedh Duw: Otta, yth esov owth igeri agas bedhow, ha my a'gas drehav mes a'gas bedhow, ow fobel vy, ha'gas dri bys yn pow Ysrael.

Job 10:11

Ty a'm dillesas gans kroghen ha kig, ha'm gwia war-barth gans eskern ha giow.