Ezekiel 37:12 - An Bibel Kernewek 20234 (Kernewek Kemmyn)

¹² Rakhenna gwra profoesa ha leverel dhedha, Yndellma y lever an Arloedh Duw: Otta, yth esov owth igeri agas bedhow, ha my a'gas drehav mes a'gas bedhow, ow fobel vy, ha'gas dri bys yn pow Ysrael.

Ezekiel 37:12 ပူးပေါင်းရင်းမြစ်များ

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

Hosea 13:14

My a's daspren dhiworth leuv ifarn; my a's delirv dhiworth ankow. Ple'mons dha blagys, A ankow? Ple'ma dha vros, A ifarn? Truedh a vydh kudhys dhiworth ow dewlagas.

1 Thessalonianys 4:16

Rag an Arloedh y honan gans kri gorhemmynn, gans lev arghel, ha gans hirgorn Duw, a dhiyskynn dhiworth nev, ha'n re varow yn Krist a sev yn kynsa.

Ysay 66:14

Hwi a wel henna, ha'gas kolonn a lowenha; ha glasa a wra agas eskern avel gwels; leuv an Arloedh a vydh aswonnys dh'y servysi, ha'y sorr orth y eskerens.

Diskwedhyans 20:13

Ha'n mor a dhaskorras an re varow esa ynno hag ankow hag ifarn a dhaskorras an re varow esa ynna, hag y fons i breusys, pubonan war-lergh y wriansow.

Hosea 6:2

Wosa dew dhydh ev a wra agan dasvewa; y'n tressa dydh ev a wra agan drehevel, ha ni a vew a-ragdho.

Ezekiel 37:25

I a drig y'n tir a res vy dhe'm gwas Yakob, mayth esa agas tasow trigys ynno. I ha'ga mebyon, ha mebyon aga mebyon a drig ynno bys vykken, ha Davydh ow gwas a vydh pennsevik dhedha bys vynitha.

Ezekiel 36:24

My a'gas kemmer dhiworth an kenedhlow, ha'gas kuntelles dhiworth oll an powyow, ha'gas dri dh'agas tir.

Ezekiel 37:21

Lavar dhedha, Yndellma y lever an Arloedh Duw: Ottavy ow kemmeres mebyon Ysrael yn-mes a'n kenedhlow mayth ethons, ha my a's kuntell a bub tu, ha'ga dri dh'aga thiredh aga honan.

Ezekiel 28:25

Yndellma y lever an Arloedh Duw: Pan guntellav chi Ysrael dhiworth an poblow le mayth esens skattrys, my a vydh sanshes ynna yn golok an kenedhlow. Ena i a drig war aga thiredh aga honan, a res vy dhe'm gwas Yakob.

Dewteronomi 32:39

Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.

1 Samuel 2:6

An Arloedh a ladh ha bewhe; ev a dhre dhe ifarn ha drehevel yn-bann.

Ezekiel 37:4

Ev a leveris dhymm, ‘Gwra profoesa war an eskern ma, ha lavar dhedha: A hwi eskern sygh, klewewgh ger an Arloedh.

Ezekiel 37:13

Ha hwi a woer my dhe vos an Arloedh, pan igorav agas bedhow, ha pan y'gas drehavav mes a'gas bedhow, ow fobel.

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Sefania 3:20

Y'n termyn na my a'gas dre, y'n termyn may hwrav a'gas kuntell: rag my a wra hanow ragowgh ha gormola yn mysk oll poblow an norvys, pan dreylyav agas kethneth a-dherag agas dewlagas, yn-medh an Arloedh.

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Yoel 3:5

Rag hwi re gemmeras ow arghans ha'm owr, ha doen ow thresoryow teg yn agas templow.