Ezekiel 37:1 - An Bibel Kernewek 20234 (Kernewek Kemmyn)

¹ Yth esa warnav leuv an Arloedh, hag ev a'm dug mes yn spyrys an Arloedh, ha'm settya yn kres an nans; y feu leun a eskern.

Ezekiel 37:1 ပူးပေါင်းရင်းမြစ်များ

Ezekiel 3:22

Yth esa leuv an Arloedh warnav eno; hag ev a leveris dhymm, Sav ha ke yn-mes dhe'n nans, hag eno my a gews genes.

Oberow 8:39

Ha pan dheuthons yn-bann mes a'n dowr, Spyrys an Arloedh a gachyas Felip dhe-ves; ny'n gwelas an spadhesik na fella, hag ev eth y'n fordh yn unn lowenhe.

Ezekiel 33:22

Leuv an Arloedh a veu warnav gorthugherweyth kyns dos an dianker; mes ev re igorsa ow ganow erbynn an termyn may teuth dhymm myttin; ytho ow ganow o igerys, ha nyns en vy avlavar na fella.

Ezekiel 1:3

ger an Arloedh a dheuth dhe'n oferyas Ezekiel mab Buzi yn pow an Kaldeanys, ryb an avon Kebar; hag ena y feu leuv an Arloedh warnodho.

Ezekiel 8:3

Ev a ystynnas furv leuv ha'm kemmeres er kudynn a wols ow fenn. An spyrys a'm drehevis ynter an nor ha'n nev, ha'm dri dhe Yerusalem yn gwelesigethow Duw, dhe dharas an yet a-bervedh, a vir troha'n gledhbarth, ple'th esa imaj an avi, a brovok dhe avi.

Diskwedhyans 1:10

Yth esen y'n Spyrys yn dydh an Arloedh, ha klewes a-dryv dhymm lev bras, kepar ha hirgorn,

Luk 4:1

Ha Yesu, leun a'n Spyrys Sans, a dhehwelis dhiworth an Yordan hag yth esa hembrenkys a-dro gans an Spyrys y'n gwylvos

Ezekiel 40:1

Y'n pympes blydhen warn ugens a'gan divroedh, yn dalleth an vlydhen, yn degves dydh an mis, y'n peswardhegves blydhen wosa an sita dhe vos gweskys yn-nans, poran y'n jydh na, leuv an Arloedh a veu warnav, hag ev a'm dros ena.

Yeremia 7:32

Rakhenna otta, an dydhyow a dheu, yn-medh an Arloedh, ma na vydh gelwys namoy Tofeth, na nans mab Hinnom, mes nans an Ladhva: rag i a ynkleudh yn Tofeth bys pan na vo spas gesys.

Ezekiel 11:24

An Spyrys a'm drehevis ha'm dri dhe'n dhivresow yn Kaldea y'n welesigeth yn Spyrys Duw. Ena an welesigeth a welsen a yskynnas dhiworthiv.

Ezekiel 3:14

Ena an spyrys a'm drehevis hag a'm kemmeras, ha gyllys veuv yn hwerowder, yn sorr ow spyrys, ha leuv an Arloedh o krev warnav.

Yeremia 8:2

hag i a's les a-rag an howl ha'n loer, hag oll lu an nevow, re wrussons aga hara ha'ga servya, ha kerdhes war aga lergh, ha'ga hwilas ha'ga gordhya; ny vydhons kuntellys, nag ynkleudhys; i a vydh avel teyl war enep an nor.

2 Myghternedh 2:16

I a leveris dhodho, ‘Otta lemmyn, yma gans dha wesyon hanter-kans gour krev. Gas dhedha mos, ni a'th pys, rag hwilas dha vester, rag own Spyrys an Arloedh re'n synsis yn-bann ha'y dewlel war neb menydh, po yn neb nans.’ Hag ev a leveris, ‘Na's dannvenowgh.’

1 Myghternedh 18:12

Kettell vydhav gyllys ahanas, spyrys an Arloedh a'th teg ny wonn py le; ytho pan dhov ha leverel dhe Ahab ha ny yll ev dha gavoes, ev a'm ladh. Dha was re borthas own a'n Arloedh a-dhia'm yowynkneth.

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

Yeremia 7:2

Sav yn porth chi an Arloedh, ha deklar ena an ger ma, ha leverel, Klewewgh ger an Arloedh, oll hwi a Yuda, a enter y'n porthow ma dhe wordhya an Arloedh.

Ezekiel 37:2

Hag ev a wrug dhymm tremena dresta a-derdro. Hag otta, fest lies ens i war enep an nans, ha pur sygh ens.

Ezekiel 43:5

Ena an spyrys a'm drehevis ha'm dri dhe'n klos a-bervedh; hag otta, glori an Arloedh a lenwis an tempel.

Ezekiel 8:1

Y'n hweghves blydhen, y'n hweghves mis, yn pympes dydh an mis, ha my owth esedha y'm chi, ha henavogyon Yuda owth esedha a-ragov, leuv an Arloedh Duw a goedhas warnav ena.