Ezekiel 36:9 - An Bibel Kernewek 20234 (Kernewek Kemmyn)

⁹ Yth ov vy ragowgh, ha my a dreyl dhywgh, ha hwi a vydh gonedhys ha hesys.

Ezekiel 36:9 ပူးပေါင်းရင်းမြစ်များ

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 99:8

Ty a worthybis dhedha, A Arloedh agan Duw; ty yw Duw dhedha, parys dhe ava, hwath ow tiella aga drogoberow.

Yeremia 31:27

Otta, yma an dydhyow ow tos, yn-medh an Arloedh pan hasav chi Ysrael ha chi Yuda gans has den ha has enyval.

Ezekiel 28:26

I a drig ynno yn sawder, ha drehevel chiow, ha plansa gwinlannow; i a drig yn sawder pan wrav breusow war oll aga hentrevogyon a's dispres. Ena i a woer my dhe vos an Arloedh aga Duw.

Ezekiel 34:14

My a's mag yn peurva dha, ha war venydhyow ughel Ysrael y fydh aga frasow. I a wrowedh yn peurva dha, hag yn prasow rych i a vydh megys war venydhyow Ysrael.

Ezekiel 36:34

An tir ynyal a vydh gonedhys, yn le bos ynyal yn golok kemmys a dremen dresto.

Yoel 3:18

Y'n jydh na an menydhyow a dhever gans sugen grappys, an breow a dhinwa leth resek a wra oll goverow Yuda gans dowr. Fenten a dheu yn-mes dhiworth chi an Arloedh ha dowra nans Shittim.

Levitikus 26:9

My a dreyl dhywgh, ha'gas gul feyth, ha'gas ynkressya, ha fastya ow kevambos genowgh.

Haggay 2:19

Usi an has y'n skiber hwath? Ha ny dhaskorras na hwath an gwinbrenn, an figbrenn, an greunaval na'n olewbrenn. Mes dhiworth an jydh ma my a'gas bennik.

Zekaria 8:12

An has a wra tevi yn kres, an gwinbrenn a re y frut, an tir a re y drevas, ha'n nevow a re aga gluth. My a re oll an taklow ma avel eretons rag remenant an bobel ma.

Romanyon 8:31

Pandr'a leveryn dhe'n taklow ma ytho? Mars usi Duw a-barth dhyn, piw eus er agan pynn?