Ezekiel 36:4 - An Bibel Kernewek 20234 (Kernewek Kemmyn)

⁴ rakhenna, menydhyow Ysrael, klewewgh ger an Arloedh Duw: Yndellma y lever an Arloedh Duw dhe'n menydhyow, dhe'n brennow, dhe'n goverow, dhe'n nansow, dhe'n magoryow ynyal, ha dhe'n sitys diannedh, a dheuth ha bos rag preydh ha rag ges dhe remenant an kenedhlow usi oll a-dro;

Ezekiel 36:4 ပူးပေါင်းရင်းမြစ်များ

Salmow 79:4

Ni re dheuth ha bos mewl dh'agan kentrevogyon, skorn ha ges dhe'n re usi yn agan kyrghynn.

Ysay 6:11

Ena my a leveris, ‘Pes termyn, A Arloedh?’ Hag ev a leveris, ‘Bys pan vydh sitys diswrys, heb annedhyas, ha chiow heb den, ha'n tir distruys ha difeyth;

Yeremia 29:10

Rag yndellma y lever an Arloedh: Pan vydh kowlwrys deg blydhen ha tri-ugens yn Babylon, my a'gas visit, ha kewera ow ger da dhywgh ha'gas dri arta dhe'n tyller ma.

Ezekiel 34:28

Ny vydhons na fella preydh rag an kenedhlow, ha ny wra bestes an tir aga devorya; mes i a drig yn sawder ha nagonan ny worr own ynna.

Ezekiel 34:8

Dell vewav, yn-medh an Arloedh Duw, drefenn bos ow deves preydh, ha drefenn bos ow deves boes dhe bub best an gwel, heb bugel, ha ny wrug ow bugeledh hwilas ow deves, mes an vugeledh a vagas aga honan, heb maga ow deves,

Ezekiel 36:1

Ha ty, A vab den, profoes dhe venydhyow Ysrael, ha lever: Klewewgh ger an Arloedh.

Ezekiel 36:6

Rakhenna, profoes a-dro dhe bow Ysrael, ha lavar dhe'n menydhyow, dhe'n brennow, dhe'n goverow, ha dhe'n nansow, Yndellma y lever an Arloedh Duw, Otta, my re gewsis y'm avi hag y'm sorrvann, rag hwi dhe berthi skorn an kenedhlow.

Ezekiel 6:14

My a ystynn ow leuv warnedha ha gul an tir ynyal, dhiworth an difeyth bys Dibla, yn oll aga thrigvaow. Ena i a woer my dhe vos an Arloedh.

Ezekiel 6:3

ha lavar, Menydhyow Ysrael, goslowewgh ger an Arloedh Duw. Yndellma y lever an Arloedh Duw dhe'n menydhyow ha dhe'n brennow, dhe'n goverow ha dhe'n nansow, Awottavy ow tri warnowgh kledha, ha my a dhistru agas tylleryow ughel.

Dewteronomi 11:11

Mes an tir mayth esos ow treusi di dh'y erita yw tiredh menydhyow ha nansow a yv dowr dhiworth glaw nev;