Ezekiel 33:9 - An Bibel Kernewek 20234 (Kernewek Kemmyn)

⁹ Mes mar redh gwarnyans dhe'n tebelwas dhe dreylya dhiworth y fordh, ha ny dreyl dhiworth y fordh, ena ev a verow yn y gammhynseth, mes ty re sawyas dha enev.

Ezekiel 33:9 ပူးပေါင်းရင်းမြစ်များ

Ezekiel 3:19

Mes mar kwarnydh an tebelwas, ha ny dreyl dhiworth y sherewynsi ha'y fordh dhrog, ev a verow yn y anewnder, mes ty a dhelirv dha enev.

Oberow 20:26

Rakhenna my a dheg dustuni dhywgh y'n jydh hedhyw ow bos glan a woes tus oll;

Ezekiel 3:21

Mes mar kwarnydh den gwiryon rag na beggho, ha ny begh, y few yn tevri, rag ev dhe vos gwarnyes, ha ty a dhelirv dha enev.

Lavarow Koth 15:10

Yma dyskybleth tynn rag neb a forsak an hyns; neb a gas keredh a verow.

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

1 Thessalonianys 5:14

Ha ni a'gas pys, a vreder, a geski an re yw diek, a hebaskhe an re yw digolonnek, a skoedhya an re yw gwann, hir agas godhevyans troha pub den oll.

Oberow 13:40

Rakhenna kemmerewgh with na dheffo warnowgh an pyth yw leverys y'n brofoesi:

Yowann 8:24

Ytho my a leveris dhywgh, hwi dhe verwel yn agas peghosow. Rag mar ny grysowgh my dhe vos ev, hwi a verow yn agas peghosow.’

Luk 12:47

Ha'n kethwas na neb a wodhva bodh y vester mes ny ombareusis ha ny wrug herwydh y vodh a vydh gweskys gans strokosow pals.

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Oberow 13:46

Hag ow kewsel yn hardh, Powl ha Barnabas a leveris, ‘Res o bos ger Duw kewsys dhywgh hwi yn kynsa; mes a-ban y'n skonyowgh hag omvreusi agas honan anwiw a vewnans heb diwedh, otta, ni a dreyl dhe'n Jentilys.

Oberow 13:41

“Mirewgh, hwi neb a wra ges, kemmerewgh marth, ha kewgh dhe goll, rag yn agas dydhyow my a wra ober, ober kammenn na grysowgh mara'n deriv nebonan dhywgh.” ’

Ezekiel 33:3

ha mar kwel ev an kledha ow tos war an tir, ha hwytha an hirgorn, ha gwarnya an bobel,

Ezekiel 33:4

ena piwpynag a glewo son an hirgorn heb goslowes an gwarnyans, pan dheu an kledha dh'y gemmeres, y woes a vydh war y benn y honan.

Ezekiel 33:6

Mes mar kwel goelyador an kledha ow tos ha ny hwyth an hirgorn, ha nyns yw an bobel gwarnyes, ha'n kledha a dheu ha kemmeres nebonan dhiworta, y fydh an den na kemmerys dhe-ves yn y gammhynseth, mes y woes a wovynnav orth leuv an goelyador.