Ezekiel 33:4 - An Bibel Kernewek 20234 (Kernewek Kemmyn)

⁴ ena piwpynag a glewo son an hirgorn heb goslowes an gwarnyans, pan dheu an kledha dh'y gemmeres, y woes a vydh war y benn y honan.

Ezekiel 33:4 ပူးပေါင်းရင်းမြစ်များ

Ezekiel 18:13

neb a re rag oker ha kemmeres goroker: a wra ev bewa? Ny vew; ev re wrug oll an taklow kasadow ma; ev a vydh gorrys dhe'n mernans yn sur; y woes a vydh warnodho y honan.

Oberow 18:6

Mes pan sevsons er y bynn ha kewsel blasfemi, ev a shakyas y dhillas ha leverel dhedha, ‘Re bo agas goes war agas penn agas honan; glan ov vy. Alemma rag, mos dhe'n Jentilys a wrav.’

Ezekiel 33:9

Mes mar redh gwarnyans dhe'n tebelwas dhe dreylya dhiworth y fordh, ha ny dreyl dhiworth y fordh, ena ev a verow yn y gammhynseth, mes ty re sawyas dha enev.

Yeremia 6:17

Ha my a worras goelyadoryon warnowgh, ow leverel, ‘Goslowewgh orth son an hirgorn.’ Mes yn-medhons, ‘Ny vynnyn goslowes.’

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

Ezekiel 33:5

Ev a glewas son an hirgorn ha ny woslowas an gwarnyans; y woes a vydh warnodho y honan, mes mar koslowas an gwarnyans, ev a saw y vewnans.

Jamys 1:22

Bedhewgh gwrioryon a'n ger, heb bos goslowysi yn unnsel, owth omdoella.

Oberow 20:26

Rakhenna my a dheg dustuni dhywgh y'n jydh hedhyw ow bos glan a woes tus oll;

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

1 Myghternedh 2:37

Rag y'n jydh mayth edh yn-mes, ha mos dres an keynres Kidron, godhvydh yn sertan, ty a wra merwel; dha woes a vydh war dha benn dha honan.’

2 Samuel 1:16

Yn-medh Davydh dhodho, ‘Bedhes dha woes war dha benn dha honan; rag dha anow re dhustunias er dha bynn, ow leverel, “My re ladhas untys an Arloedh.” ’

Levitikus 20:9

Rag piwpynag a vollettho y das po y vamm a vydh gorrys dhe'n mernans yn sur. Ev re vollethis y das ha'y vamm. Y woes a vydh warnodho.

Yeremia 25:3

A-dhia drydhegves blydhen Yosia mab Amon myghtern Yuda, bys y'n jydh ma, henn yw an tressa blydhen warn ugens, ger an Arloedh re dheuth dhymm, ha my re gewsis dhywgh yn tiwysyk, mes ny woslewsowgh.