Ezekiel 32:6 - An Bibel Kernewek 20234 (Kernewek Kemmyn)

⁶ My a worlyp an dor gans dha woes ow resek bys y'n menydhyow, ha'n goverow a vydh leun ahanas.

Ezekiel 32:6 ပူးပေါင်းရင်းမြစ်များ

Ysay 34:3

Aga re ledhys a vydh tewlys yn-mes, ha'ga fler a yskynn dhiworth aga horfow; aga goes a res war an menydhyow.

Diskwedhyans 14:20

Ha'n winwask a veu trettys a-ves dhe'n sita, ha goes a dheuth yn-mes a'n winwask, mar ughel avel fronnow an vergh, rag mil erowhys ha hwegh kans.

Ysay 34:7

Bualyon a goedh gansa, ha lodhnow gans terewi. Aga thir a yv goes lowr, ha'ga doust a vydh gwlyghys a vlonek.

Eksodus 7:17

Yndellma y lever an Arloedh: Dre hemma ty a wodhvydh my dhe vos an Arloedh: otta, gweskel a wrav an dowr usi y'n Nil gans an welenn usi yn ow dorn, hag y fydh treylys yn goes,

Diskwedhyans 16:6

Rag i a skoellyas goes an syns ha'n brofoesi, ha ty re ros dhedha goes dhe eva. Gwiw yns i a henna!’

Ezekiel 35:6

rakhenna, dell vewav, yn-medh an Arloedh Duw, my a'th taskorr dhe woes, ha goes a'th helgh; drefenn na wrussys kasa goes, goes a'th helgh.

Ezekiel 35:8

My a lenow y venydhyow a'y re ledhys; an re ledhys gans an kledha a goedh y'th vrennow ha'th nansow, hag yn oll dha woverow.