Ezekiel 32:4 - An Bibel Kernewek 20234 (Kernewek Kemmyn)

⁴ My a'th tewl war an dor, ha'th teghesi war an gwel, ha gul dhe oll ydhyn an nevow triga warnas, ha my a lenow oll bestes an norvys ahanas.

Ezekiel 32:4 ပူးပေါင်းရင်းမြစ်များ

Salmow 63:10

I a vydh delivrys dhe nerth an kledha; i a vydh rann dhe'n owrgeun.

Salmow 74:14

Ty a derris pennow Lawethan dhe demmyn; ha'y ri avel boes dhe'n bobel trigys y'n difeyth.

Ysay 14:19

mes ty, ty yw tewlys yn-mes, a-ves dhe'th vedh, avel barrenn gasadow, kudhys gans an re ledhys, an re gwenys gans an kledha, neb a dhiyskynn dhe veyn an pytt avel korf trettys yn-dann dreys.

Ysay 18:6

I a vydh gesys war-barth rag ydhyn-preydh an menydhyow ha rag bestes an tir; an ydhyn a spen an hav warnedha hag oll bestes an tir a spen an gwav warnedha.

Ysay 66:24

Hag i a wra mos yn-mes ha mires orth korfow an dus a rebellyas er ow fynn, rag ny verow aga fryv ha'ga than ny vydh difeudhys, hag y fydhons kasadow dhe bub kig oll.

Yeremia 25:33

An re ledhys gans an Arloedh a vydh y'n jydh na a'n eyl penn an nor bys y'n penn arall. Ny vydh kynvann ragdha, ha ny vydhons kuntellys na ynkleudhys; i a vydh kawgh war enep an nor.

Yeremia 8:2

hag i a's les a-rag an howl ha'n loer, hag oll lu an nevow, re wrussons aga hara ha'ga servya, ha kerdhes war aga lergh, ha'ga hwilas ha'ga gordhya; ny vydhons kuntellys, nag ynkleudhys; i a vydh avel teyl war enep an nor.

Ezekiel 29:5

My a'th as, tewlys y'n difeythtir, ty hag oll puskes dha avonyow. Ty a goedh war an gwel, ha ny vydhydh kuntellys nag ynkleudhys. My a'th re dhe vestes an gwel ha dhe ydhyn an nev rag boes.

Ezekiel 35:8

My a lenow y venydhyow a'y re ledhys; an re ledhys gans an kledha a goedh y'th vrennow ha'th nansow, hag yn oll dha woverow.

Yoel 3:19

Ejyp a vydh forsakys, hag Edom a vydh gwylvos ynyal, drefenn an freudh gwrys erbynn mebyon Yuda, rag i re skoellyas goes gwiryon yn aga thir.