Ezekiel 32:30 - An Bibel Kernewek 20234 (Kernewek Kemmyn)

³⁰ Yma ena pennsevigyon an gledhbarth, i oll, hag oll an Sidonianys, a dhiyskynnas gans an re ledhys, shamys rag an euth a wrussons der aga nerth; i a wrowedh antrodreghys gans an re ledhys gans an kledha, hag i a berth aga sham gans an re a dhiyskynn dhe'n pytt.

Ezekiel 32:30 ပူးပေါင်းရင်းမြစ်များ

Yeremia 1:15

Rag, otta, my a wra gelwel oll teyluyow gwlaskordhow an gogledh, yn-medh an Arloedh; hag i a wra dos, hag i a wra settya pubonan y dron dhe entrans yetow Yerusalem, hag erbynn an fosow anedhi a-derdro, hag erbynn sitys oll Yuda.

Yeremia 25:22

hag oll myghternedh Tyr, hag oll myghternedh Sidon, ha myghternedh an ynysow usi dres an mor;

Yeremia 25:26

hag oll myghternedh a'n gogledh, pell hag ogas, an eyl wosa y gila, hag oll gwlaskordhow an bys, usi war enep an nor: ha myghtern Sheshak a'n yv war aga lergh.

Ezekiel 26:20

ena my a'th tre yn-nans gans an re a dhiyskynn dhe'n pytt, dhe'n bobel a dermynyow koth; ha my a'th wrav dhe driga y'n dor barth a-woeles, kepar hag yn magoryow an termynyow koth, gans an re a dhiyskynn dhe'n pytt, ma na ylli dehweles, na kavoes tyller yn mysk an re vew.

Ezekiel 28:10

Ty a verow del verow an re antrodreghys yn leuv estrenyon; rag my re gewsis, yn-medh an Arloedh Duw.

Ezekiel 28:21

Mab den, treyl dha fas troha Sidon, ha profoes er hy fynn,

Ezekiel 28:23

My a dhannvon plag ynni ha goes yn hy stretys. An re ledhys a goedh a-berth ynni, gans an kledha er hy fynn a-derdro. Ena i a woer my dhe vos an Arloedh.

Ezekiel 38:15

ha dos dhiworth dha dyller y'n gledhbarth pell, ty ha lies pobel genes, i oll ow marghogeth war vergh, ost bras, ha lu krev.

Ezekiel 38:6

Gomer hag oll y luyow, chi Togarma dhiworth an gledhbarth pell, gans oll y luyow, ha genes poblow pals.

Ezekiel 39:2

my a'th treyl a-dro ha'th tenna yn-rag, ha'th tri yn-bann dhiworth penn pella an gledhbarth, ha'th hembronk erbynn menydhyow Ysrael.