Ezekiel 32:26 - An Bibel Kernewek 20234 (Kernewek Kemmyn)

²⁶ Yma Meshek ha Tubal ena, hag oll hy routh, ha'ga bedhow a-dro dhedhi, i oll antrodreghys, ledhys gans an kledha, rag i a wrug euth yn tir an re vew.

Ezekiel 32:26 ပူးပေါင်းရင်းမြစ်များ

Ezekiel 27:13

Yavan, Tubal, ha Meshek, yth ens i dha varchons; enevow tus ha lestri a vrons a geschanjsons rag dha wara.

Jenesis 10:2

Mebyon Yafeth: Gomer, Magog, Maday, Yavan, Tubal, Meshek ha Tiras.

Ezekiel 39:1

Ha ty, A vab den, profoes erbynn Gog, ha lever, Yndellma y lever an Arloedh Duw: Otta, yth esov er dha bynn, A Gog, chyf pennsevik Meshek ha Tubal;

Ezekiel 32:32

Rag ev a wrug y euth yn tir an re vew; ytho ev a wrowedh yn mysk an re antrodreghys, gans an re ledhys gans an kledha, Faro hag oll y routh, yn-medh an Arloedh Duw.

Ezekiel 32:27

A ny wrowedhons gans an gasoryon erell antrodreghys a goedhas, a dhiyskynnas dhe ifarn gans aga arvow a vresel, may feu aga kledha gorrys yn-dann aga fenn? Y fydh kessydhyans aga hammweythresow war aga eskern; rag y feu euth an gasoryon ma yn tir an re vew.

1 Kroniklys 1:5

Mebyon Yafeth: Gomer, Magog, Maday, Yavan, Tubal, Meshek ha Tiras.

Jenesis 10:12

ha Resen yntra Nineve ha Kalah; homm yw an sita vras.

Ysay 66:19

My a sett tokyn yn aga mysk, ha dannvon re a'n dhiankoryon anedha dhe'n kenedhlow, dhe Tarshish, dhe Put, ha dhe Lud, an re a denn an warak, dhe Tubal ha Yavan, an ynysow pell, na glewsons son ahanav, na weles ow glori; hag i a dhiskler ow glori yn mysk an kenedhlow.