Ezekiel 32:25 - An Bibel Kernewek 20234 (Kernewek Kemmyn)

²⁵ I re wrug gweli rygdhi yn mysk an re ledhys, gans oll hy routh, ha'ga bedhow a-dro dhedhi, i oll antrodreghys, ledhys gans an kledha; rag i a wrug aga euth yn tir an re vew, hag i a berth aga meth gans an re a dhiyskynn dhe'n pytt.

Ezekiel 32:25 ပူးပေါင်းရင်းမြစ်များ

Salmow 139:8

Mars av vy yn-bann dhe nev yth esos ena; mar tarbarav ow gweli yn ifarn ottajy ena ynwedh.

Diskwedhyans 2:22

Otta, my a's tewl yn gweli, ha'n re na a wra avoutri gensi yn galar meur, mar ny gemmerons edrek a'ga gwriansow.

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Ezekiel 44:9

Yndellma y lever an Arloedh Duw: Ny dheu y'm sentri estren vyth, antrodreghys y golonn na antrodreghys y gig, na hwath an estrenyon usi yn mysk mebyon Ysrael.

Ezekiel 44:7

ow tri y'n sentri estrenyon, antrodreghys aga holonn, hag antrodreghys aga hig, ow tefola ow chi, owth offrynna dhymm ow boes, an blonek ha'n goes. Hwi re dorras ow hevambos, yn oll agas taklow kasadow.

Ezekiel 32:21

Ledyoryon alloesek a gews yn-mes a ifarn a-dro dhedhi ha'y heffrysysi, ‘I re dhiyskynnas, i a wrowedh gans an re antrodreghys, gans an re ledhys gans an kledha.’

Ezekiel 32:19

Tekka ages piw osta? Diyskynn! Growedh gans an re antrodreghys!

1 Kroniklys 10:4

Ena Sowl a leveris dhe dheger y arvow, ‘Tenn dha gledha ha gwan vy ganso, ma na dheffo an wer antrodreghys ma ha gul ges ahanav.’ Mes ny vynnas deger y arvow, drefenn ev dhe berthi own yn feur. Ytho Sowl a gemmeras y gledha y honan ha koedha warnodho.

2 Samuel 1:20

Na wrewgh y leverel yn Gath, na wra y dhyllo yn stretow Ashkelon; ma na lowenhaho myrghes an Filistysi, ma na heudhhaho myrghes an re antrodreghys.

Ezekiel 32:24

Yma Elam ena hag oll hy routh a-dro dh'y bedh; i oll ledhys, koedhys der an kledha, gyllys yn-nans antrodreghys dhe isella rannow an norvys; i a wrug euth yn tir an re vew. I a berth aga meth gans an re a dhiyskynn dhe'n pytt.