Ezekiel 32:10 - An Bibel Kernewek 20234 (Kernewek Kemmyn)

¹⁰ My a wra dhe lies pobel bos sowdhenys orthis, ha'ga myghternedh a vydh dyegrys orthis, pan swaysyav ow kledha a-ragdha; ha pub den a gren rag y vewnans pup-prys y'n jydh dha derroes.

Ezekiel 32:10 ပူးပေါင်းရင်းမြစ်များ

1 Myghternedh 9:8

An chi ma a vydh bern a vagoryow; peub a'n tremen a gemmer skruth ha hwibana; hag i a lever, “Prag y hwrug an Arloedh tra a'n par ma dhe'n tir ma ha dhe'n chi ma?”

Ysay 30:32

Pub strekys a welenn an geredh a wra an Arloedh y worra warnodho a vydh gans son tabouryow ha sowtris, hag ev owth omladh orta yn batel gans strokosow y vregh.

Yeremia 51:9

Ni a assayas yaghhe Babylon, mes ny allas hi bos yaghhes. Gesewgh hi, ha gwren ni mos peub dh'y vro y honan; rag hy barn re dhrehedhas bys yn nev ha re beu drehevys hwath dhe'n ebron.

Ezekiel 26:16

Ena oll pennsevigyon an mor a dhiyskynn dhiworth aga thronys ha gorra dhe denewen aga fowsyow, ha diwiska aga dillas brosys. I a omwisk gans krena, hag esedha war an dor; i a gren heb hedhi, hag i a gemmer skruth orthis.

Ezekiel 27:35

Oll trigoryon an arvoryow a gemmer skruth orthis, ha'ga myghternedh yw pur dhyegrys, ha'ga fasow yw troblys.

Ezekiel 30:9

Y'n jydh na kannasow a yn-mes dhiworthiv yn gorholyon dhe ownekhe Ethiopia dhibreder, hag y fydh kren ynna yn dydh Ejyp, rag otta, ev a dheu.

Zekaria 11:2

Oul, a verywenn, rag an gederwydhenn re goedhas; gwydh bryntin re beu gwastys! Oulyewgh, derwennow Bashan; an koes tew re beu treghys dhe'n dor!

Dewteronomi 29:24

Oll an kenedhlow a lever, ‘Prag y hwrug an Arloedh yndella dhe'n tir ma? Pandr'a styr poethter an sorr bras ma?’

Dewteronomi 32:41

pan lymmav lughes ow kledha, ha'm leuv a sett dalghenn ynno yn breus, my a dal dial war ow eskerens, hag attyli an re a'm kas.

Diskwedhyans 18:10

I a sev a-bell der own a'y fayn, ow leverel, ‘Tru, tru, an sita vras, Babylon, an sita grev! rag yn unn our re dheuth dha vreus.’