Ezekiel 31:9 - An Bibel Kernewek 20234 (Kernewek Kemmyn)

⁹ My a's tekhas gans hy skorrennow delyek pals, hag yth esa oll gwydh Eden yn lowarth Duw ow perthi avi orti.

Ezekiel 31:9 ပူးပေါင်းရင်းမြစ်များ

Jenesis 13:10

Ha Lot a dhrehevis y dhewlagas ha gweles oll an plen a-dro dhe'n Yordan, oll anodho dhe vos dowrhes – kyns an Arloedh dhe dhiswul Sodom ha Gomorra – kepar ha lowarth an Arloedh, kepar ha pow Ejyp ha ty ow tos bys yn Soar.

Jenesis 26:14

Hag ev a gavas flokkys a dheves ha greow a warthek ha gwesyon bals, ha'n Filistysi a borthas avi orto.

Jenesis 37:11

Ha'y vreder a borthas avi orto; mes y das a withas an dra yn y vrys.

Eksodus 9:16

Mes rakhemma y'th hesis dhe vewa, dhe dhiskwedhes dhis ow galloes, may fo derivys ow hanow war oll an nor.

Lavarow Koth 27:4

Konnar yw fell ha sorr a feth, mes piw a yll sevel orth avi.

Ekklesiastes 4:4

Ha my a welas oll an trobel hag oll an sleyghneth yn lavur ow tos dhiworth avi den erbynn y gentrevek. Hemma ynwedh yw euveredh ha chasya war-lergh an gwyns.

Ysay 51:3

Rag an Arloedh a vynn konfortya Sion, ev a vynn konfortya oll hy magoryow, ha gul hy gwylvos avel Eden, hy difeyth avel lowarth an Arloedh. Joy ha lowender a vydh kevys ynni, grasyans ha lev kana.

Ysay 55:12

Rag yth ewgh yn-mes yn lowender, ha bos hembrenkys yn kres; an menydhyow ha'n breow a arm a-ragowgh gans joy, hag oll gwydh an gwel a dak diwleuv.

Ezekiel 16:14

Dha hanow eth yn-mes yn mysk an kenedhlow drefenn dha dekter, rag y feu perfydh der an splannder a worris warnas, yn-medh an Arloedh Duw.

Ezekiel 17:22

Yndellma y lever an Arloedh Duw: My ow honan a gemmer skyllenn dhiworth topp ughel an gederwydhenn, ha'y settya y'n dor; dhiworth topp hy barrennow yowynk my a derr skyllenn bleudh; my ow honan a's plans war venydh pur ughel.

Ezekiel 17:24

Ena oll gwydh an gwel a woer my dhe vos an Arloedh. My a dhre dhe'n leur an wydhenn hir hag ughelhe an wydhenn isel, my a dhesygh an wydhenn las, ha gul dhe'n wydhenn sygh skylla; My an Arloedh re gewsis ha my a'n gwra.

Ezekiel 28:13

Yth eses yn Eden, lowarth Duw; pub men drudh o dha gudhans, rubi, topaz, ha gwyrven, owrven, onyks, ha yasper, saffir, garnet, ha beryl. Ober a owr o dha settyansow ha'th gravyansow ynnos; y'n jydh may feus formys y fons parys.

Ezekiel 31:16

My a wrug dhe'n kenedhlow krena dre son hy therroes pan y's dros yn-nans dhe ifarn gans an re a dhiyskynn dhe'n pytt; hag oll gwydh Eden, an flour ha'n gwella a Lebanon, oll an re a eva dowr, a veu konfortys y'n bys a-woeles.

Ezekiel 31:18

Piw a veu haval dhis yn glori hag yn meuredh yntra gwydh Eden? Ty a vydh dres yn-nans war-barth gans gwydh Eden dhe'n bys a-woeles; ty a wrowedh yn mysk an re antrodreghys, gans an re ledhys gans an kledha. Hemm yw Faro hag oll y routh, yn-medh an Arloedh Duw.

Ezekiel 36:35

Yn-medhons, ‘An tir ma, hag a veu ynyal, re dheuth ha bos avel lowarth Eden, ha'n sitys, hag a veu magoryow hag ynyal ha terrys dhe'n dor, yw kerys hag annedhys.’

Daniel 2:21

Ev a dreyl an prysyow ha'n sesonyow; ev a remov myghternedh ha sevel myghternedh; ev a ro furneth dhe'n re fur, ha godhvos dhe'n re a woer konvedhes.

Zekaria 11:2

Oul, a verywenn, rag an gederwydhenn re goedhas; gwydh bryntin re beu gwastys! Oulyewgh, derwennow Bashan; an koes tew re beu treghys dhe'n dor!

1 Samuel 18:15

Pan welas Sowl bos dhodho sewena veur, ev a borthas own anodho.