Ezekiel 31:8 - An Bibel Kernewek 20234 (Kernewek Kemmyn)

⁸ An kederwydh yn lowarth Duw nyns ens hy far, nyns o sybwydh haval dh'y skorrennow; nyns o meryw kepar ha'y barrennow; nyns o gwydhenn vytholl y'n lowarth Duw haval dhedhi yn hy thekter.

Ezekiel 31:8 ပူးပေါင်းရင်းမြစ်များ

Ezekiel 28:13

Yth eses yn Eden, lowarth Duw; pub men drudh o dha gudhans, rubi, topaz, ha gwyrven, owrven, onyks, ha yasper, saffir, garnet, ha beryl. Ober a owr o dha settyansow ha'th gravyansow ynnos; y'n jydh may feus formys y fons parys.

Ysay 51:3

Rag an Arloedh a vynn konfortya Sion, ev a vynn konfortya oll hy magoryow, ha gul hy gwylvos avel Eden, hy difeyth avel lowarth an Arloedh. Joy ha lowender a vydh kevys ynni, grasyans ha lev kana.

Salmow 80:10

An menydhyow o kudhys gans y skeus, ha kederwydh Duw gans y skorrennow.

Jenesis 13:10

Ha Lot a dhrehevis y dhewlagas ha gweles oll an plen a-dro dhe'n Yordan, oll anodho dhe vos dowrhes – kyns an Arloedh dhe dhiswul Sodom ha Gomorra – kepar ha lowarth an Arloedh, kepar ha pow Ejyp ha ty ow tos bys yn Soar.

Ezekiel 31:18

Piw a veu haval dhis yn glori hag yn meuredh yntra gwydh Eden? Ty a vydh dres yn-nans war-barth gans gwydh Eden dhe'n bys a-woeles; ty a wrowedh yn mysk an re antrodreghys, gans an re ledhys gans an kledha. Hemm yw Faro hag oll y routh, yn-medh an Arloedh Duw.

Ezekiel 31:16

My a wrug dhe'n kenedhlow krena dre son hy therroes pan y's dros yn-nans dhe ifarn gans an re a dhiyskynn dhe'n pytt; hag oll gwydh Eden, an flour ha'n gwella a Lebanon, oll an re a eva dowr, a veu konfortys y'n bys a-woeles.

Salmow 37:35

My re welas an tebelwas didruedh, hag ev ow klasa avel baywydhenn las.

Diskwedhyans 2:7

Neb a'n jeffo skovarn, klewes ev an pyth a lever an Spyrys dhe'n eglosyow. Dhodho ev a fettho, my a re dhe dhybri a'n wydhenn a vewnans usi yn mysk paradhis Duw.

An Gan a Ganow 5:15

Y dhiwarr yw kolovenyow a varbel, desedhys war grawyow a owr; y semlans yw kepar ha Lebanon, bryntin avel an kederwydh.

Ezekiel 31:3

Otta Assyria, kederwydhenn yn Lebanon, gans skorr teg, ow ri skeus dhe'n koes, meur hy ughelder; hy thopp a veu ynter an kommol.

Ezekiel 31:7

Teg o yn hy meuredh, yn hirder hy skorrennow delyek, rag hy gwreydh e yn-nans dhe dhowrow meur.