Ezekiel 30:12 - An Bibel Kernewek 20234 (Kernewek Kemmyn)

¹² My a wra an avonyow sygh, ha gwertha an pow yn leuv an debeles, ha gwastya an pow ha pup-tra eus ynno dre leuv estrenyon; my, an Arloedh, re gewsis.

Ezekiel 30:12 ပူးပေါင်းရင်းမြစ်များ

Ysay 44:27

neb a lever dhe'n keynvor, ‘Bydh sygh! ha my a sygh agas avonyow’;

Yeremia 50:38

Syghor erbynn hy dowrow, may fons desyghys! Rag yth yw tir a imajys gravys, hag i yw foll yn aga idolyow.

Yeremia 51:36

Ytho yndellma y lever an Arloedh: Otta, my a bled dha gen ha diella ragos. My a dhesygh hy mor ha gul dh'y fenten bos sygh;

Ezekiel 28:10

Ty a verow del verow an re antrodreghys yn leuv estrenyon; rag my re gewsis, yn-medh an Arloedh Duw.

Ezekiel 29:3

Kows ha lavar, Yndellma y lever an Arloedh Duw: Otta, yth esov er dha bynn, A Faro myghtern Ejyp, an dhragon vras ow krowedha yn mysk hy avonyow, neb a leveris dhymm, ‘Dhymmo vy yw ow Nil; my a'n gwrug ragov vy ow honan.’

Ezekiel 31:12

Estrenyon dhiworth an fella a'n kenedhlow a's troghas dhe'n dor, ha'y gasa. War an menydhyow, hag yn oll an nansow y skorrennow delyek re goedhas, ha'y barrennow a wrowedh terrys yn oll goverow an norvys; hag oll poblow an norvys res eth yn-mes dhiworth hy skeus ha'y gasa.

Nahum 1:4

Ev a geredh an mor ha'y sygha, ha desygha an avonyow oll. Bashan ha Karmel a wedher ha bleujenn Lebanon a wedher.

1 Korinthianys 10:26

rag ‘dhe'n Arloedh yw an nor, ha pup-tra eus ynno.’

Diskwedhyans 16:12

Ha'n hweghves a skoellyas y fiol war an avon vras Ewfrates; ha'y dowr a veu syghys may halla bos pareusys fordh an vyghternedh dhiworth an howldrevel.

Breusysi 2:14

Ytho sorr an Arloedh a loskas erbynn Ysrael, hag ev a's daskorras dhe ladron, neb a's pyllas; hag ev a's gwerthas yn diwla aga eskerens a-dro dhedha, ma na yllens sevel pella erbynn aga eskerens.