Ezekiel 3:3 - An Bibel Kernewek 20234 (Kernewek Kemmyn)

³ Hag yn-medh ev dhymm, A vab den, gwra dhe'th torr dybri, ha lanw dha groth a'n rol-skrifa ma esov ow ri dhis. Ytho my a's dybris hag y feu y'm ganow maga hweg avel an mel.

Ezekiel 3:3 ပူးပေါင်းရင်းမြစ်များ

Job 23:12

Ny dhiberthis dhiworth gorhemmynnow y dhiwweus; my re dresoryas geryow y anow y'm askra.

Salmow 119:103

Ass yw hweg dha lavarow dhe'm stevnik, hwekka es mel dhe'm ganow!

Salmow 119:11

Dha lavarow re gudhis y'm kolonn, ma na begghiv er dha bynn.

Salmow 119:97

Assa wrav vy kara dha lagha; oll an jydh my a breder anodho!

Salmow 19:10

Moy desirys yns i ages owr, ages meur a owr fin; ha hwekka yns i es mel, ha'n gribenn mel.

Salmow 19:11

Dha was ynwedh yw gwarnys gansa; yma gober meur dhe'n re a wra aga synsi

Yeremia 15:16

Dha eryow a veu kevys, ha my a's dybris: ha'th heryow o lowender dhymm ha heudhder ow holonn: rag dha hanow re beu gelwys warnav, A Arloedh, Duw an luyow.

Yeremia 20:9

Ena my a leveris, ‘Ny'n kampoellav, na kewsel namoy yn y hanow.’ Mes ynnov yma neppyth haval dhe dan ow leski deges y'm eskern, ha skwith ov owth omfronna, ha ny allav y berthi.

Yeremia 6:11

Ytho leun ov vy a gonnar an Arloedh; skwith ov vy owth omfronna. Gwra hy dinewi war an fleghes y'n stret, ha war guntelles an wer yowynk maga ta: rag hwath an gour gans an wreg a vydh maglennys, an henavek ha'n den leun a dhydhyow.

Ezekiel 2:10

Ena ev a's lesas a-ragov; yth esa skrif war hy dew denewen, ha skrifys warnedhi yth esa galargan ha kynvann ha guw.

Ezekiel 2:8

Mes ty, A vab den, goslow orth an pyth esov orth y gewsel orthis. Na vydh rebell avel an chi diwostydh na; igor dha anow ha deber an pyth esov ow ri dhis.

Ezekiel 3:4

Ena yn-medh ev dhymm, A vab den, ke, deus dhe ji Ysrael ha kows gans ow geryow dhedha.

Yowann 7:38

Neb a grys ynnov vy, dell lever an skryptor, “Yn-mes a'y dorr, resek a wra avonyow a dhowr bew.” ’

Kolossianys 3:16

Triges ger Krist ynnowgh yn rych, ow tyski ha keski an eyl y gila yn pub furneth, ow kana salmow, hymnys ha kanow spyrysel gans gras yn agas kolonn dhe Dhuw.