Ezekiel 3:20 - An Bibel Kernewek 20234 (Kernewek Kemmyn)

²⁰ Ha mar treyl den gwiryon dhiworth y ewnder ha gul drog, my a worr men a drebuchya a-ragdho; ev a verow. Drefenn na'n gwarnsys, ev a verow yn y begh. Ny vydh kovhes y wiryonedh re wrug; mes y woes a hwilav a'th leuv.

Ezekiel 3:20 ပူးပေါင်းရင်းမြစ်များ

2 Kroniklys 24:2

Yoash a wrug an pyth o ewn yn golok an Arloedh oll dydhyow Yehoyada an oferyas.

2 Kroniklys 25:15

An Arloedh a sorras orth Amasia, hag a dhannvonas dhodho profoes, a leveris dhodho, ‘Prag re hwilsys duwow an bobel ma, na yllens delivra aga fobel aga honan a'th leuv jy?’

Salmow 119:165

Kres meur a vydh dhe'n re a gar dha lagha, ha nyns eus travyth a wrello dhedha trebuchya.

Salmow 125:5

An re a dreyl a-denewen dh'aga fordhow kamm an Arloedh a's hembronk dhe-ves gans an dhrogoberoryon. Re bo kres war Ysrael.

Salmow 36:3

Geryow y anow yw gwag ha toell; ev re astelas bos fur ha gul da.

Lavarow Koth 25:12

Avel skinenn a owr po tegenn a owr fin yw keredh den fur dhe skovarn ow koslowes.

Ysay 64:6

Ni oll yw avel tra avlan, hag avel kweth woesek yw oll agan gweythyow gwiryon; ni oll a wedher avel delenn, ha'gan kammweythresow a'gan deg dhe-ves avel gwyns.

Ysay 8:14

Ev a vydh sentri, ha men trebuchya ha karrek koedha dhe dhew ji Ysrael, hag antell ha maglenn rag annedhysi Yerusalem.

Yeremia 34:16

mes hwi a dreylyas ha defola ow hanow pan dhaskemmersowgh agas kethyon ha'gas kethesow, neb a liversowgh war-lergh aga hwans, ha hwi a's dros arta dhe vos kethyon ha kethesow.

Yeremia 6:21

Ytho yndellma y lever an Arloedh: Otta, my a worr a-rag an bobel ma sklanderyow may hwra koedha warnedha tasow ha mebyon war-barth; an kentrevek ha'y goweth a dhe goll.

Ezekiel 14:3

Mab den, an wer ma re dhrehevis aga idolys yn aga holonnow, ha gorra aga anewnder a-ragdha avel ken a drebuchya. A wrav vy aga gasa dhe hwilas orthiv?

Ezekiel 18:24

Mes pan dreyl an den gwiryon dhiworth y wiryonedh ha gul war-lergh oll an taklow kasadow a wra an tebelwas, a vew ev? Ny vydh kovhes travyth a'y wiryonedh a wrug; drefenn an dislelder ha'n peghes a wrug, ev a verow.

Ezekiel 18:26

Pan dreyl den gwiryon dhiworth y ewnder ha gul sherewneth, ev a verow rygdhi; rag y sherewneth a wrug, ev a verow.

Ezekiel 3:18

Pan lavarav dhe'n tebelwas, ‘Ty a verow yn tevri’, ha ny redh dhodho gwarnyans, na kewsel dhe warnya tebelwas dhe dreylya dhiworth y fordh dhrog may sawyo y vewnans, an tebelwas na a verow yn y anewnder, mes y woes y hwilav a'th leuv.

Ezekiel 33:18

Pan dreyllyo an den gwiryon dhiworth y ewnder ha gul kammweythres, ena y ferow ynno.

Ezekiel 33:6

Mes mar kwel goelyador an kledha ow tos ha ny hwyth an hirgorn, ha nyns yw an bobel gwarnyes, ha'n kledha a dheu ha kemmeres nebonan dhiworta, y fydh an den na kemmerys dhe-ves yn y gammhynseth, mes y woes a wovynnav orth leuv an goelyador.

Ezekiel 7:19

I a dewl aga arghans y'n stretys, ha'ga owr a vydh pyth avlan. Ny yll aga arghans na'ga owr aga delivra yn dydh konnar an Arloedh. Ni yllons kavoes lowr rag aga enev, na lenwel aga thorr, rag y feu sklander a's ledyas yn anewnder.

Daniel 9:18

Ow Duw, ro dha skovarn ha klewes; igor dha dhewlagas ha mir orth agan ahwer, hag orth an sita may feu dha hanow gelwys warnedhi; nyns yw drefenn agan gwiryonsys ni may profyn agan aspysadow a-ragos, mes drefenn dha druedh bras.

Levitikus 19:17

Ny berthydh kas y'th kolonn erbynn dha vroder. Ty a rebuk dha gentrevek yn sur, ma na dhykki pegh a'y wovis.

Sefania 1:6

ha'n re a dreyl dhiworth an Arloedh; ha'n re na hwilas an Arloedh ha na wovynnas kusul dhiworto.

Matthew 18:15

‘Mar kwrella dha vroder kamm er dha bynn, ke dhe dhiskwedhes dhodho y gammweyth yntredhowgh agas dew yn priva. Mar koslow orthis, ty re waynyas dha vroder;

Luk 2:34

Ha Simeon a's bennigas ha leverel dhe Varia y vamm, ‘Otta, an flogh ma yw settys rag koedha ha sevel lies yn Ysrael, ha rag tokyn a vydh skonys

Luk 8:15

Mes an dra y'n tir da, yth yns i an re a glew an ger gans kolonn len ha da ha'y witha, ha doen frut gans perthyans.

Romanyon 11:9

Ha Davydh a lever, ‘Bedhes aga moes maglenn ha roes hag antell hag attal dhedha;

1 Korinthianys 1:23

mes ni a bregoth Krist krowsys, sklander dhe Yedhewon ha follneth dhe Jentilys,

Dewteronomi 13:3

na woslow orth geryow an profoes na, nag orth an hunroser na a hunrosow, rag an Arloedh agas Duw a wra agas previ, dhe wodhvos mar kerowgh an Arloedh agas Duw gans oll agas kolonn ha gans oll agas enev.

Ebrowyon 10:38

mes ow den gwiryon a wra bewa dre fydh, ha mar kildenn, ny gemmer ow enev plesour ynno.’

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.

1 Peder 2:8

ha, ‘Men a wra dhe dhen trebuchya, ha karrek a offens.’ I a goedh rag nyns yns i gostydh dhe'n ger. Henna a veu aga thenkys.

1 Yowann 2:19

I eth yn-mes a-dhiworthyn, mes ahanan nyns esens; rag mar pens i ahanan, y pessens genen; mes i eth yn-mes, rag may fo diskwedhys nag esens i oll dhiworthyn ni.